محمد رمضان يعتذر عن استلام جميع الجوائز فى مهرجان القاهرة للدراما

كشف الفنان محمد رمضان فى تصريحات تلفزيونية على هامش حضوره مهرجان القاهرة للدراما، عن سبب رفضه لإستلام الجوائز، حيث قال: "أنا اعتذرت عن استلام جميع الجوائز اللي خدتها لأني جاى عشان العلمين، هى السبب فى حضوري النهارده لأنى مبسوط بيها أكتر من المهرجان نفسه، أنا مبهور بالمدينة ومعرفش أمتى اتعملت، وفخور أنها موجودة على أرض مصر".

محمد رمضان يكشف عن الجزء الثاني من جعفر العمدة

كما كشف محمد رمضان عن تفاصيل الجزء الثاني من مسلسل جعفر العمدة بعد نجاح الجزء الأول الذى تم عرضه ضمن السباق الرمضانى 2023، قائلا: "احنا مكنش فى دماغنا الجزء الثاني، بس نجاح الجزء الأول هو اللى شجعنا، المسلسل نجح على مستوى العالم العربى، ولمس قلوب الجمهور، واحنا بنخاطب عقولهم وهما بيصدقونا".

تحدث محمد رمضان عن علاقته بجمهوره ومتابعته له بشكل دائم، موضحا: "أنا قولت كتير إني بتابع الجمهور زى ما بيتابعونى، وبحب أشوف هما بيقولوا إيه، علشان أقدر أطور من نفسى وأعمل اللي بيعحبهم، علشان أقدر أحافظ عليهم دى حاجة مش سهلة، وأنا عارف أن كل فترة الجمهور تفكيره بيتغير، وطول الوقت أنا حاسس بالمسؤلية دى".

مسلسل جعفر العمدة الجزء الأول

المسلسل بطولة محمد رمضان، مى كساب، منة فضالى، زينة، هالة صدقى، إخراج محمد سامى، وقد حضر جميع نجوم المسلسل إلى مهرجان القاهرة للدراما.