سيدة تحتفل بطلاقها بتورتة .. والتعليقات: عايزة تتجوز
أثارت سيدة تحتفل بطلاقها ، ضجة على مواقع التواصل الاجتماعي، احتفلت سيدة الإسكندرية بطلاقها بقالب تورتة وكتبت عليها"طلاق سعيد"، وأوضحت السيدة عبر فيديو أن سبب الطلاق هو الخيانة.
سيدة تحتفل بطلاقها
وأضافت السيدة التي احتفلت بطلاقها أنها تحتفل في أخر يوم من أيام العدة، باعتبارها مناسبة سعيدة تستحق الاحتفال، مؤكدة:" أنا ست لا تقبل على نفسها الخيانة، مش لازم نحتفل بالمناسبات السعيدة بس، أنا ست اتطلقت و سعيدة جدا، ههحزن على إيه ده واحد خاين وراح لحاله".
سيدة تحتفل بطلاقها بقالب تورتة
واستكملت السيدة التي احتفلت بطلاقها : " احتفلت بالمناسبة السعيدة دي بالتورتة وكمان فيه توزيع جوائز ذهب على الماره، هو فيه إيه أحسن من مناسبة سعيدة زي دي احتفل بيها".
سيدة تحتفل بطلاقها على طريقتها الخاصة
بعدما أثارت سيدة تحتفل بطلاقها على طريقتها الخاصة غضب السوشيال ميديا، فكانت نتيجة التعليقات غير مرضية أبدا ومعظمها ضد هذه السيدة.
رد أحد رواد السوشيال ميديا:"ارتاح منك ومن اشكالك، احتفلي براحتك بقي، دا هو الكسبان ياحيزبونة".
والبعض استنكر تصرفها قائلًا:"مش فاهمه بتحتفل بخراب بيتها ليه كده اطلقتى وخلاص لازم تثبتي انك فرحانه اوى كده البدايات كلها حلوه بس الجدع اللي يكمل وانتي مكمله في خراب لوحدك".
وقال أحد رواد السوشيال ميديا:"طيب بزمتكم ده منظر واحده تحتفل بطلاقها ده المفروض هو الي يحتفل ويطلع حج وعمره ويشكر ربنا ١٠ سنين قدام".
ورد أحد المتابعين:" شاطره مبسوطه من الستات الجميله بس احب اقولك انه ابغض الحلال عند الله، هو العيش الملح والانتماء بقى ملوش لازمه؟ هزقتى نفسك وسوئتى سمعة ستات محترمات".
وتعاطف البعض مع الزوج:"ده ربنا كرمه انه خلص منها.. المفروض انه هو اللي يعمل حفلة بس خسارة فيها التورته اللي هيشتريها، لا تنسوا الفضل بينكم
ايه اللي خلاكي تتحملي كل العمر. ده".
واتهمها البعض بأنها تصرفت بهذه الطريقة لتأخذ التريند:" واضح انها طالبه عريس مش موضوع احتفال بطلاق خالص، عملت كدا عايزة تركب الترند عشان تلاقي عريس".
