فيفي عبده تعلق على لقب الساحل الشرير وترفض الحديث عن المنتج
كشفت الفنانة فيفي عبده عن رأيها في الرقص الشرقي حاليا، كما تحدثت عن رأيها في لقب الساحل الشرير، رافضة في الوقت نفسه التعليق على ما حدث من المنتج أحمد الزواوي.
وأدلت الفنانة فيفي عبده بتصريحات تليفزيونية، على هامش مهرجان القاهرة للدراما، الذي عقد بمدينة العلمين الجديدة، أوضحت فيها تفاصيل حالتها الصحية، قائلة: "أنا زي الفل الحمد لله، ومفيش أي حاجة زى ما أنتم شايفين، بس لأنكم بتحبوني وبتخافوا عليا زيادة بس فقلقانين، وكتر خيركم طبعا وأنا كمان بحبكم جدا".
وعند سؤالها عمن وقفوا بجانبها خلال أزمتها الأخيرة ردت فيفي عبده بالقول: "أنا مش بحط في دماغي حد هيقف جنبي غير ربنا سبحانه وتعالى بس، فأنا هبقى عايزة مين يقف جنبي بعد ربنا".
أزمة فيفي عبده مع المنتج أحمد الزواوي
ورفضت فيفي عبده الحديث عن أزمتها مع المنتج أحمد الزواوي، عقب اعتراف الأخير بأنه صنع سحرا لها، بسبب مشاكل وصراعات قديمة بينهما، قائلة: "لا لا كلموني على حاجة فيها حيوية وطاقة، كلموني على حاجة فيها أنا، أنا واقفة قدامكم".
رأى فيفي عبده فى الرقص الشرقي
وعبرت فيفي عبده عن استيائها ممن يسخرون من الرقص الشرقى، قائلة: "الرقص الشرقى ليه القيمة بتاعته، دلوقتي لو حد عايز يتريق أو يقول كلمة بايخة يقولك إيه هتشتغلي رقاصة، إيه دا مالها الرقاصة يعني، أنا بضايق طبعا".
كما تحدثت عن قيمة الرقص الشرقي في العالم، موضحة: "الرقص الشرقى دا ليه قيمة كبيرة جدا برا عند الأجانب، وفي ناس مُتعلمين وكبار اوى بيجوا يخدوا دروس منى أو من غيرى زى نجوى وكل اللى بيدربوا الرقص".
فيفي عبده عن كتاب سيرتها الزاتية
وعند سؤال فيفي عن احتمالية كتابة لسيرتها الزاتية، قالت: "أه أكتب مكتبش ليه، بس أنا أحب أحكى ومقعدش أكتب وحد يحرف، لا أنا أحكى لأني أنا اللي عيشته".
رأى فيفي عبده فى لقب الساحل الشرير
كشفت فيفي عبده عن رأيها فى لقب الساحل الشرير، مشيرا أنها تسكن فى الساحل الشمالى منذ سنوات عديدة قبل تطويره، قائلة: "أنا فى الساحل دا من زمان أوى من أيام ماكان بيجرى فيه العرس والفيران، وكان سعره بالنسبة لينا عادى جدا لأى حد بيشتغل وبيتعب، شوفوا دلوقتي خلوها أزاى جنة فى الأرض".
كما تابعت: "مش معنى كدا أنكم تستغربوا الناس، لأن فى ناس طلعوا من على طبلية أبوهم، ومن حقهم أنهم يعيشوا حياتهم إيه المانع، فسيبوا الناس تعيش".
رأى فيفي عبده فى مدينة العلمين
عبرت فيفي عبده عن سعادتها بمدينة العلمين، قائلة: "أنا فرحانة بمدينة العلمين يا جماعة، وفرحانة أنى دخلت النهاردة العلمين وأتفرجت عليه، هو حاجة رائعة الصراحة وانا مبسوطه جدا أنى جيت، أنا كنت بسمع عنه من وأنا فى العملية ودلوقتى مبسوطه جدا أنى جيت على رجليا".
فيفي عبده توجه رسالة لشعب الأردن
كشفت فيفي عبده عن تحضيرها لأغنية قامت بصنعها حبا فى شعب الأردن، قائلة: "تحياتى لشعب الأردن وملك وملكة الأردن، وأنا بحب الشعب الأردنى جدا من كل قلبى، وأنا عملت حاجة للأردن بتقول (تعيشى يا أردن، يا أرض الناضل فى العزم)، دى كنت عملاها وهبقى أطلعها ومتسألونيش عن سبب حبى ليها يمكن بسبب أكلها".
