طلاق أحمد سعد وزوجته الرابعة علياء بسيوني.. والأخيرة: شكرًا على المقلب اللي خدته

أعلنت مصممة الأزياء علياء بسيوني طلاقها مع الفنان أحمد سعد،  مشيرة إلى أن القرار نابع منه وليس منها، وذلك بعدما أنجبا بنتان وهما " علياء ومريم".

نشرت علياء بسيوني عبر صفحتها الرسمية على موقع إنستجرام خبر طلاقها من أحمد سعد معلقة: " الحمد لله على كل شئ، تم الطلاق بيني وبين أحمد من شوية وده بناء على رغبته، وأنا حابة أشكره على أصله الغير طيب ومعدنه السئ أيضًا، وحابه كمان أقوله شكرًا على قراره اللحظي الغير موفق في خراب بيتنا وتدمير أسرتنا الجميلة، اللي حقيقي أنا تعبت فيها لوحدي تمامًا، وحاولت وعديت مواقف مفيش حد مكاني يقبلها، عشان أسرتنا".

طلاق علياء بسيوني وأحمد سعد

وتابعت علياء بسيوني قائلة: " وعشان المشوار اللي بدأته أنا لوحدي ومكنتش حابة إنه ينتهي، شكرًا على توقيتك الجميل وأنا قاعدة مع بينتي 3 أيام وأنت متعرفش حاجة، عشان مشغول في الساحل والخروجات وبعدها شغلك".

وأضافت علياء بسيوني قائلة: "أكبر شكر على المقلب اللي أخدته في العلاقة دي، واللي كنت فاهمه أن ليها قيمة وببني وبضحي واتنازل علشانها، وأنت طلعت ولا تسوى، ربنا معايا أنا وبناتي في اللي جاي وينتقم منك، ويديك علي قد كل حاجة حصلت".