أنغام: بختار الراجل الغلط وغنوة أختي كان قلبها قاسي عليا

كشفت المطربة أنغام عن تفاصيل حياتها الشخصية والعاطفية وطفولتها، وعلاقتها بوالدها وأبنائها، كما تحدثت عن حياتها الفنية وذلك خلال لقائها مع الإعلامى أنس بوخش، فى برنامجه الذى يعرض على اليوتيوب  AB TALKS.

أبرز تصريحات أنغام

-أنا مش بحب أتعامل مع الناس بحذر، لكن أنا مش حمل أذى تانى.

-مش هقول الطرف التاني غلطان أو أنا غلطانة، لكن أنا بعمل اللى عليا.

-أكيد أنا بختار الراجل الغلط، لأنى ما تغيرتش عن شخصيتى فى بداية العلاقة.

-غلطى إنى بدى اللى قدامي حق ميستحقهوش، وبحاول أكبره جنبى لكن دا غلط.

-قررت إني مش هحب تانى.

-سبب خيانة الراجل أنه مش مكتفى باللى معاه أو ناقصه حاجة.

-لازم الراجل يعقل ويكبر ويعرف هو عايز إيه.

-أنا بخاف جدا من الفراق، ولازم يكون الشخص حقيقى ودا أهم حاجة فى العلاقة.

-أصعب لحظة فى حياتى هى موت غنوة أختى، بالرغم من إن علاقتنا مش كويسه.

-مكنتش مصدقه موتها غير لما دخلت غسلتها بإيدى.

-أنا عمرى ماكنت السبب فى زعل غنوة منى.

-غنوة كان قلبها قاسى عليا ومعرفتش تعذرنى.

-آخر مرة بكيت فيها لما تعبت ودخلت المستشفى.

-الناس شيفانى قاسية لكن أنا مش بدافع عن نفسى.

-مش قادرة أسامح والدي مش قادرة أكون قوية للدرجة دى.

-لسه بتحاسب على الكلام اللي قالوا عليا يبقى إزاى هقدر أسامحه.

-عمرى ما انسى أول مرة والدى ضرب أمى.

-وأنا صغير عيشت مع أم وأب مش سعداء مع بعض.

-كانوا بيتعاملوا معايا على إنى فاهمه، فشيلت كتير.

-استوعبت حاجات من وأنا صغيرة مكنش ينفع استوعبها ولا كنت عايزة.

-أمى مكنش ليها ضهر تتسند عليه، وأخويا ملحقش يشوف أخت عادية كنت بقيت مشهورة.

-مش بحب أفرض أو أتحكم فى أولادى.

-لو وصفت نفسى بكلمة هتبقى قدر.. أنا كل حياتى مبنية على الأقدار.

-بداية تعليمى الموسيقى وأنا عندى 6 سنين، وكنت بتعلم بطريقة قاسية جدًا.

-كانت صوابعى بتبقى متكسره من البرد وبلعب بيانو.. كانت مسؤلية كبيرة.

-الموسيقى هى طريقة تعبيرى عن مشاعرى وإحساسى.

-بحب الشهرة بالنجاح مش بأشياء أخرى.

-أنا ممتنة جدًا للإعلام لأنه كان بدايتى.. بحاول اتأقلم على إعلام دلوقتي.

-مريت بسنين اكتئاب طويلة وكنت باخد أدوية.. كنت منفتحه عاطفيًا ودا كان أكبر غلط.

حفل أنغام فى العلمين

أحيت الفنانة أنغام حفل غنائي ضمن فعاليات مهرجان العلمين 2023، والذى كان يوم الخميس 18 أغسطس على مسرح الأرينا، وقد عبرت أنغام عن سعادتها بالعودة بعد سنوات للغناء فى الساحل.