عثمان محمد علي: محمد رمضان في ابتلاء ومحمود عبد العزيز اتخرج على إيدي

كشف الفنان عثمان محمد علي عن رأيه في عدد من الفنانين منهم: محمد رمضان، إلى جانب حديثه عن ذكرياته في مجال الفن وتعاونه مع عدد من الفنانين على رأسهم الفنان نور الشريف، وذلك اثناء لقاءه في برنامج “من مصر” مع الإعلامي عمرو خليل عبر قناة cbc.

أبرز تصريحات عثمان محمد علي

- الشغل مع الجميل نور الشريف كان حلو جدًا وبيريح الممثل اللي قدامه ويديله فرصته.

- نور الشريف كان من أقرب الناس لقلبي وكان أخ وصديق وبيحترم كل الناس.

- ممثلين الزمن الجميل كانوا قدوة في لبسهم وكلامهم وأدوارهم، والمنتجين مشيوا مع الموجة لما ده اتغير دلوقتي.

- محمد رمضان يعتبر ظاهرة قدرية، وهو ولا جري ورا حد ولا خد فلوس ولا قال لحد يشغله.

- محمد رمضان الدنيا جتله وقالتله شبيك لبيك، واللي هو فيه ابتلاء من ربنا، نشوف هيشكر ولا لا والشكر هو التراجع عن الأدوار الخاطئة.

- لازم محمد رمضان يبدأ يعمل أدوار تانية تخلي صورته أحسن ويبقى قدوة للناس.

- بشكر نقابة المهن التمثيلية إنهم افتكروا قامات الفن وكان لازم يتكرموا من زمان.

- شهدت على محمود عبد العزيز لما كان طالب في مدرسة الورديان وكان موهوب.

- تكريمي في مهرجان القاهرة للدراما تكريم لمشواري الفني اللي بدأته من 70 سنة.

- فنانين كتير كانوا تلامذتي لإني كنت موجه عام للمسرح المدرسي طوال 30 سنة.

- محمود عبد العزيز وإسماعيل محمود وعزيزة راشد وكوثر العسال اتخرجوا على إيدي.

آخر أعمال عثمان محمد علي

يشار إلى أن آخر أعمال الفنان عثمان محمد علي، مسلسل "حى السيدة زينب" الذي تم عرضه عام 2021، مع الفنانة سوسن بدر، أحمد وفيق، دينا، محمود عبد المغني، لبنى ونس، أشرف عبد الغفور، فراس سعيد، عبير منير، ريهام سعيد، حجاج عبد العظيم، هايدي رفعت، ليلى عز العرب، وعدد كبير من الفنانين وضيوف الشرف خلال الأحداث، ومن إخراج محمد النقلي، وتأليف أحمد صبحي.