شيماء سيف: البنات بقت بتلبس المايوه في كل مكان.. فين نخوة الرجالة؟
هاجمت الفنانة شيماء سيف، بعض السيدات والنساء بسبب ملابسهن في فصل الصيف هذا العام، مؤكدة أن الأمر أصبح يفوق كل الحدود دون أي خجل من السيدات.
رأي شيماء سيف في العري
وكان ذلك عبر صورة مكتوب عليها هذا التعليق نشرتها الفنانة شيماء سيف، عبر حسابها الشخصي على موقع الصور والفيديوهات انستجرام، حيث كُتب في الصورة: "الصيف خلاص بيخلص لكن آثار الصيف مكملة معانا للأسف، طول عمرنا لما كنا بنطلع على البحر كنت بنشوف أشكال وألوان ومايوهات، لكن السنة دي مختلفة، العري فيها فاق الوصف، البنات بقت بتلبس المايوه في كل مكان مش بس على البحر، وتوب المايوه بقي ده اللبس الرسمي للبنات في موسم الصيف ده، وفوقه بيلبسوا کاش مايوه بیبین جسمهم أکتر ما بیستره".
تصريحات شيماء سيف
وأكملت شيماء سيف رأيها عن العري: "هي البنات دي مفيش أب ليها أو زوج أو أخ قلبهم يأكلهم على بناتهم دول، والدم يجري في عروقهم؟ هي فين نخوة الرجالة، وفين حياء البنت، والمصيبة أن ده موجود في كل الأعمار وكل الأحجام والأجسام مش بتفرق، بس بجد الموضوع زاد قوي عن حده، تحت مظلة أن بلاش نتكسف من جسمنا والكلام الفاضي ده، فين الحياء بتاع البنات".
وتابعت الفنانة شيماء سيف: "جسمنا المفروض أننا نحافظ عليه مش نخلي غيرنا يتمتع بيه، الغلط هيفضل هو الغلط ولو كل الناس بقت بتعمله، الغلط غلط ولو أصبح عادة للكل، هفضل أقول ده حتى لو كنت لوحدي اللي بقوله، في رأيي العري مظهر من مظاهر التخلف الفكري، وتللي فاكر أنه يعتبر تحضر دلوقتي ده شخص ماشي وراء القطيع بدون أي وعي"
وأردفت الفنانة شيماء سيف: "فين الحياء والعفة والخجل والخصوصية بتاعة الناس؟ بالنسبة للي عنده أولاد صغیرین وبيسألوه يا ماما هي ليه البنت دى ماشية وهي لابسة كده؟ كل شيء بقي مباح للناس كلها كدة عادي؟ ربنا يستر علينا جميعًا يارب، ويهدي البنات والأولاد ويشوفوا أن الغلط غلط مهما كتر، اللهم أرنا الحق حقًا وارزقنا اتباعه وأرنا الباطل باطلًا وارزقنا اجتنابه".
