رنا رئيس: عندي 9 أخوات بتلغبط فيهم واترفضت كتير في مكاتب الكاستينج
تحدثت الفنان الشابة رنا رئيس عن تفاصيل مشاركتها فى مسلسل موضوع عائلى، وبداية دخولها فى مجال التمثيل، كما روت تفاصيل أول مشهد لها، وذلك خلال لقائها مع الإعلامى معتز الدمرداش، فى برنامجه ضيفى.
أبرز تصريحات رنا رئيس
-دخلت التمثيل من خلال الإعلانات وكاستنج المسلسلات.
-مامتى ميكب ارتيست وبتشتغل شويه فى الوسط لكن مكنش ليها دور فى دخولى.
-ماكنتش شايفة أنى أنفع أمثل لكن لما شافتنى بدأت تشجعنى.
-أحنا 9 أخوات 3 من نفس الأم والأب و3 من الأب و3 من الأم.
-بكتب اسماء أخواتى فى النوته، وماما وزوج ماما عمرهم مافرقوا مابينا وهما صحابنا جدًا.
-يمكن أختى كانت شايفة موهبتى أكتر من أمى.
-اترفضت كتير فى الكاستينج، وكنت بتقبل الرفض.
-روحت عملت كاستينج لمسلسل أرض جو، و وضع أمنى، واتفاجأت أنى اتقبلت فى الأتنين.
-فى أول مشهد ليا فى أرض جو مكنتش فاهمه حاجه ومتوترة بس كبريائى كان مانعنى.
-كنت حافظه كويس وطلعت أوحش حاجه من التوتر، بعترف أنى كنت بشعه.
-أوقات برفض أعمال لازم أسافر فيها لأنى بخاف أكون بعيد عن أهلى.
-لما روحت صورت موضوع عائلى فى بلغاريا كانت والدتى معايا.
-وفى أزمة منتصف العمر ريهام عبد الغفور هى اللى اقنعتنى لأنى بخاف من السفر.
-كنت بروح أبات معاها فى الأوضه بسبب خوفى.
-حظى كان حلو فى موضوع عائلى وأزمة منتصف العمر لأنهم اتعرضوا ورا بعض.
-أزمة منتصف العمر كان عليه جدال كبير فنجح جدا، فكان تحدى بالنسبة ليا.
-بعتبر موضوع عائلى نقلة كبيرة أوى ليا.
- والمسلسلين خلوا أمهات كتيره تعتبرنى بنتهم.
-أنا دايما بتقبل النقد الحلو والوحش، لكن بخاف من الحلو الزيادة لأنى بخاف يكون مجاملة.
-نقد الناس ليا على شخضي مش كممثلة بيضايقنى يومين وخلاص.
-بميل للشخصية السايكو فى التمثيل، اللى بتبقى مش مفهومة.
-مسلسل نجيب زاهى زاركش مع الدكتور يحيى الفخراني، من أحلى التجارب فى حياتى.
-اتعلمت من يحيى الفخرانى كتير على المستوى المهنى والشخصى، وكنت مبهوره قدامه.
-العمل مع ماجد الكدوانى نقله كبيرة ليا.
-وقوفى أمامهم دا خلانى حصلت على حالة نضوج.
-أنا قاسية جدا فى تقيم نفسى.
-الجواز من أحلامى لكنى نفسى أعمل أدوار كتير، وحاجات أفيد بيها اللى حواليا.
