طليقة حسن شاكوش: مش هعتذر لحورية فرغلي ومعرفش صورة السجدة خرجت ازاى

كشفت ريم طارق طليقة حسن شاكوش مطرب المهرجانات، عن حقيقة وجود علاقة تجمع بين طليقها والفنانة حورية فرغلي وقت زواجهما، إلى جانب حديثها عن سبب سجودها في الفرح الذي أثار الجدل على مواقع التواصل الاجتماعي.

قالت ريم طارق طليقة حسن شاكوش خلال لقاءها مع الإعلامية مروة صبري في برنامج "قعدة ستات": "أنا مينفعش أحاسب ست، الشخص ده لو مكتفي بالبنت اللي معاه أكيد مش هيبص لحد تاني، الناس قالتلي روحي لجوزك أكيد مش هروح للغريبة أقولها ليه عملتي كده، ومش هقعد أحارب الناس لإني بشوف الشخص لو مش محترم الطرف التاني يسيبه لحد تاني يقدره".

تصريحات طليقة حسن شاكوش

أما عن امكانية تقديمها اعتذار للفنانة حورية فرغلي، قالت طليقة حسن شاكوش: "هى قالت إني مذكرتش اسمها أنا قولت حرف بس، وهى مش زعلانة لإني مجبتش سيرتها، وطبعًا مش هتعذر لإني مقولتش مين الشخصية دي".

طليقة حسن شاكوش تكشف كواليس سجدتها في الفرح

وتطرقت طليقة حسن شاكوش بالحديث عن سجدتها في الفرح التي أثارت جدل كبير، وقالت: "مكنش موجود في القاعة غير والدتي ووالدي ومنسقة الحفل مكنش موجود أى صحفيين معرفش الصورة طلعت برا ازاي وأكيد مطلبتش حد يصورني، أنا عملتها بتلقائية هتريحني وكنت ساعتها بتمنى من ربنا يجعل الحياة خير بعد الزواج".

وأضافت: "مقصدتش أعمل تريند ولا حسن طلب مني أعمل كده هو مكنش موجود أساسًا، أنا عملت كده عشان كنت متوترة وكده هرتاح، كنت متخيلة إن حياتي وقفت لإني مريت بحياة وحشة قبل كده، ولما ربنا بعتلي حد وهدخل حياة جديدة وهخلف وكده، فحبيت أشكر ربنا، والموضوع ملوش علاقة بحسن".

طليقة حسن شاكوش

يشار إلى أن ريم طارق طليقة حسن شاكوش صرحت قبل ذلك في لقاء لها مع الإعلامية بسمة وهبة، إنها اكتشفت أن زوجها على علاقة مع فنانة مشهورة تعاني من أزمة صحية وثالث حرف من اسمها "ر" وأنها شاهدت بعض الرسائل بينهما، فظن الجمهور أنها تقصد حورية فرغلي، ولكن شاكوش خرج ونفى ذلك الأمر من خلال بوست عبر حسابه على "فيسبوك".