ماجد الكدواني: رحت لدكتور نفسي بعد تراب الماس وكريم عبد العزيز بيستفز فيك التحدي
كشف الفنان ماجد الكدواني عن سبب ذهابه إلى طبيب نفسي بعد فيلم “تراب الماس” وطبيعة علاقته بالفنان أحمد مكي، وذلك أثناء الجزء الثاني من حلقته مع الإعلامية إسعاد يونس ببرنامج “صاحبة السعادة” على قناة dmc.
أبرز تصريحات ماجد الكدواني
-بعد وفاة أبويا خرجت تانى يوم للتصوير وكان دور بتضرب فيه.
-فيلم عفاريت الأسفلت كان أول عمل سينمائى ليا، وأول لقاء مع محمود حميدة.
-وقولت وقتها للمخرج أسامة فوزى أن الفيلم مش هيتشاف.
-فخور ببدايتى، لأن كلمة سينما كانت بنسبة ليا مخيفة قوي.
-هالة فاخر كانت من أعمدة مسرحية باللو.
-إسعاد قالتلى أن فيلم جاى فى السريع هيتحب فى البيوت.
-بيختلف رأى الجمهور ونظرته كل 5 سنوات تقريبا.
-أول مره صورتى تظهر على الأفيش كان فيلم صعيدى رايح جاى.
-كان الفيلم تدريب ليا، وكنت سعيد بمشاركتى مع هانى رمزى.
-كنت سعيد بفيلم الرجل الأبيض المتوسط.
-مدير التصوير محسن أحمد هو اللى جاب اسم المر بزيادة فى الرجل الأبيض المتوسط.
-فيلم عسكر فى المعسكر كان بتوفيق ربنا، وخصوصا انتشار إفيه هقتله واديك رنه.
-الزعيم كلمني بعدها وقالي بتقولها كإنك هتاكل حتة جبنة رومي.
-كنت مرعوب من الكوميديا والإفيهات المباشرة فى فيلم حرامية فى تايلاند.
-كريم جالى وقالى احنا نستخبى فى الشخصية ونصدقها قوي، لو ضحكنا تمام مضحكناش ادينا مستخبيين.
-كان فى مشاكل كتير فى الفيلم منها اللوكيشن والمسافات والبلد
-كريم كان بيساعدنى كتير وبيحتوينى.
-كريم حد مسئول كإنى طفل ماشي مع باباه، وملهاش علاقة بالسن أنا بتكلم على الطاقة.
-مروان حامد هو اللى جمعنى بكريم فى نادى للرجال السرى.
-وكانت عودة مهمة جدًا، لأننا رجعنا نشتغل مع بعض بعد 17 سنة.
-كان نفسى أعمل حاجة جد مع كريم عبد العزيز.
-كلمت بيتر ميمى وقولتله إني عايز أبقى معاه فى الاختيار، وكريم كان حاكي ليا حاجات كتيره عنه.
-كريم قفل تليفونه عشان مايحسسنيش انه بيجبرني على الدور.
-كريم بيستفز فيك إحساس التحدى أنك تكون شاطر وتقدم زى ما هو بيقدم.
-شوفت نظرة عين لكريم ماشوفتهاش قبل كدا، وسمعنا حكايات وشوفنا نوع تانى من البشر في المسلسل.
-مشكلتى الوحيدة كانت مع أحمد مكي لأننا كل ما نبص لبعض نضحك.
-احنا راجعين بعد طير أنت ولا تراجع ولا استسلام، مكنش ينفع نعمل جد مع بعض.
-أحمد مكى بيتخيل حاجات بجد ولما كان بيحكلنا عنها كنا بنموت من الضحك.
-مكى هو اللى جرأنى فى الكوميدي، هو مودى وجرئ، وكنت بدارى فيه لأنه ليدر بردو.
-فى فيلم طير أنت كنت بتحايل عليهم يشيلوا الهزار فى مشهد التعارف بينا، وكان اسمى مارد الكدوانى.
-بدرية طلبة فى لا تراجع ولا إستسلام كانت رائعة وكنا بنموت من الضحك.
-خيالها حلو بتخليك تطير معاها فى الكوميديا.
-محمد شاهين فى الفيلم كان مرعب، وكان عامل حالة حلوة.
-روحت اعتذر عن فيلم كباريه، الحج أحمد قالى روح اقرى الورق وتعالى.
-أحمد السبكى قمة فى التحدي والجرأة، وبيعرف يشتغل فى أى ظروف.
-مروان حامد فى تراب الماس قالى انت مغيب، ودا حفزنى إني استمر على نفس المستوى.
-ولادى ومروان حامد طلبوا منى أروح لدكتور نفسى بعد الفيلم بسنة.
-اكتشفت أن ماجد الكدواني فيه حاجة غريبة بعد الفيلم.
-كنت بفزع الناس بعد فيلم تراب الماس فروحت لدكتور نفسى، ومروان سمى الشخصية بالمتعة المحرمة.
