محمد علي رزق: وأنتو بتسنوا السكاكين على الممثل ما تنسوش المخرج

هاجم الفنان محمد علي رزق رواد مواقع التواصل الاجتماعي، ووجه رسالة شديدة اللهجة للذين ينتقدون الفنانين والأعمال الفنية بشكل مستمر.

حيث كتب الفنان محمد علي رزق، منشورًا عبر حسابه الرسمي بموقع التواصل الاجتماعي فيسبوك، وقال: "السادة الأفاضل من نقاد السوشيال ميديا الكرام تحية طيبة وبعد، ممكن حضراتكم وأنتو بتسنوا السكاكين وبتقرروا تدمروا أي حد بيبدأ مشواره وبتهينوه وتتمسخروا على تمثيله وأدائه، تبقوا تفتكروا تجيبوا سيرة المخرج، علشان المخرج هو المسؤول الأول والأخير عن النتيجة اللي بنشوفها في النهاية".

وتابع الفنان محمد علي رزق حديثه للجمهور الساخر من أداء الفنانين قائلًا: "ويا ريت برضه حتى وأنتو بتمجدوا في الممثل وبترفعوه سابع سما أتمنى برضه تجيبوا سيرة المخرج علشان المخرج هو المسؤول الأول والأخير عن النتيجة اللي بتشوفوها، وفي النهاية كل الشكر لـ 100 مليون ناقد".

محمد علي رزق ينتقد مشهدًا من مسلسل ليه لأ الموسم الثالث

اعتاد الفنان محمد علي رزق على أن يعبر عن آرائه من خلال حسابه الرسمي عبر موقع التواصل الاجتماعي فيسبوك، حيث سبق وهاجم مشهدًا من مشاهد مسلسل ليه لأ الموسم 3، الذي عرض مؤخرًا على المنصة الرقمية شاهد، وجاء ضمن المشهد جملة على لسان واحد من أبطال العمل، وهي: "إحنا مش بنعلم تمثيل باحتراف أوي في كلية الآداب قسم مسرح، أكاديمية الفنون هي اللي بتاعت التمثيل اللي بجد".

وبسبب هذا المشهد كتب الفنان محمد علي رزق منشورًا عبر حسابه الرسمي على فيسبوك معلقًا: "قاعد بتفرج على مسلسل ليه لأ الموسم الثالث، ومش هنكر أكيد حبي الشديد لمسلسل ليه لأ من الجزء الأول علشان فعلًا بيناقشوا قضايا مهمة جدًا وبشكل مختلف، بس في الحلقة الـ 8 كان فيها مشهد عزومة وفجأة وفي آخر المشهد في اتنين ممثلات لطاف جدًا، بيقولوا الجملة دي، وطبعًا حاجة منختلفش عليها أكاديمية الفنون الصرح اللي طول عمره مليان أساتذة كبار جدًا وطلع أجيال كتير مهمة في الوسط الفني، لكن تصحيح بسيط للأساتذة اللي كتبوا المسلسل، لأ يا فندم أنت فاهم غلط قسم آداب مسرح بيعلم تمثيل بجد برضه، وفيه نجوم معروفين خريجين كلية آداب قسم مسرح".