محمد سليمان: بنتي اتجوزت من غير قايمة ولو قررت خلع الحجاب مش هتدخل

كشف الفنان محمد سليمان عن كواليس زواج ابنته، مشيرًا إلى أنها تزوجت بدون مهر أو قايمة، لأن هذا لن يؤمن مستقبلها، إلى جانب حديثه عن رأيه إذا قررت ابنته خلع الحجاب.

قال محمد سليمان خلال لقاءه في برنامج فيس أوف مع الإعلامية سارة نخلة: "معملتش قايمة ولا مهر لما بنتي جت تتجوز، والحاجات دي كلها ملهاش أى اعتبارات خالص، مش شوية الكراكيب دي هى اللي هتحميها وتأمن مستقبلها".

تصريحات محمد سليمان

وأضاف محمد سليمان: "لو حصل وهما انفصلوا والبنت خدت العفش والحاجات بتاعتها، كل ده مش مهم، لكن الأهم إني أعرفها ازاى تبقى مستقلة ماديًا واقتصاديًا، التعليم اللي هى اتعلمته ده اللي هيأمن مستقبلها، ومفاهيمها في الحياة وطريقة تعاملها في الحياة هو المهم".

أما عن موقفه من خلع ابنته للحجاب، قال محمد سليمان: " مش هتدخل طبعًا لو هى قررت تخلعه لإنها قبل ما تتحجب قالت ليا انا ومامتها على القرار ده ومامتها اتصدمت وانا قولت ليها فكري مليون ألف مرة لأن خلع الحجاب دة شئ محبط".