بعد نجاح مسلسل سفاح الجيزة.. الوايلي يحذر من التعامل مع سمر طارق

حذر موزع الموسيقي الوايلي جميع أصدقائه بعدم التعاون مع المغنية سمر طارق، وذلك بعد الإنتهاء من عرض مسلسل سفاح الجيزة ونجاح أغنية "عتمة".

ونشر الوايلي عبر صفحته الرسمية على انستجرام معلقًا: "مساء الفل.. مبسوط أن مسلسل سفاح الجيزة خلص، كنت مستني اللحظة دي عشان اقول حاجة مهمة، دي آخر مرة في حياتي هتعامل فيها مع سمر طارق، وده لأسباب كتير جدًا، واولهم هي عدم المهنية والاحترافية، وثانيهم محاولاتها في إنكار أي دور ليا في أي حاجة، لدرجة توصلها أنها تكدب كدب صريح في الانترفيوز، وده لمجرد أنها تظي كريدت لنفسها على حاجة هي معملتهاش".

تحذير الوايلي من سمر طارق

وأضاف الوايلي قائلًا: "وأنا بكتب دلوقتي دلوقتي حسيت بكمية المواقف اللي مش لطيفة واللي هي كانت السبب فيها أو الإدارة بتاعتها، على مدار السنة اللي فاتت كلها سواء في تراك الهرشة السابعة أو عتمة، المواقف كتيرة اصلًا إني اتكلم عنها أو اشرحها، هكتفي بأني احذر صحابي البروديوسرز منها وخلاص، وأتمني بجد الظروف متستدعيش اقعد احكي كل المواقف، لأن مش دا اللي حابب أكون بضيع وقتي فيه الفترة الجاية".

أغنية عتمة

وحققت أغنية عتمة نحاج كبير في الفترة الماضية،  وذلك منذ بداية عرض مسلسل سفاح الجيزة، برغم طرحها منذ عام 2021، حيث وصلت عدد المشاهدات إلى أكثر من مليون مشاهدة على موقع اليوتيوب.