علا غانم: بحب أمريكا وهرجع مصر في هذه الحالة

كشفت الفنانة علا غانم عن أعمالها القادمة، وذلك بعد فترة غياب 6 سنوات عن الساحة الفنية، أنهتها بفيلم،أولاد حريم كريم، مع الفنان مصطفى قمر، الذي يعرض حاليا بجميع دور العرض.

وتحدثت علا غانم، خلال لقائها مع الفنان خالد عليش، ببرنامجه الإذاعي السكة أحلى، على راديو نجوم إف إم، عن أعمالها االدرامية القادمة، قائلة: “أنا هشارك فى رمضان 2024 بأكثر من عمل، لكن كلها لسة في مرحلة الكتابة، وكمان بجهز لفيلم مع الفنانة إلهام شاهين، عجبتني فكرته جدا، بس  لسة فى مرحلة الكتابة كذلك”..

رجوع علا غانم لمصر

وعلقت علا غانم عن امكانية استقرارها في مصر مرة أخرى، قائلة: “أنا بحب أمريكا جدا وحياتي ومستقبلي اللي برسمه كله هناك، واقدر أحقق ذاتي بمزاجي ومبسوطة بإنجازاتي، باصحى بدري جدا هناك، وباشتغل عدد ساعات مرعب، لكن مبسوطة”.

خوض علا غانم مجال الإنتاج

أما عن احتمالية خوض علا غانم لمجال الإنتاج، قالت:  "لما أخلص حلمي اللي بعمله في  أمريكا ممكن ارجع مصر واشتغل فى الإنتاج، مش بقدر أعيش من غير هدف، ودا اللي بيخليني عندي حماس وشغف لكل حاجة بعملها".

وتابعت حديثها عن حلمها فى امريكا، قائلة: "لما قررت أخذ أجازة مفتوحة من التمثيل، كنت شايفة حلم بيلمع فى أمريكا، بفكرة أنى أتحول لبيزنس واختبر مخي فى السغل مش كفنانة، كنت عايزة أختبر نفسي فى مجال تانى، وفى اليوم اللى خلصت فيه ظل الرئيس كنت ماشية، واخدة معايا 20 شنطة وشوفت أنى حققت اللى عايزاه فى مصر، علشان كدا طول الوقت فى مباراة مع نفسي".

رفض علا غانم الأحتفال بعيد ميلادها

كشفت علا غانم عن سبب عدم احتفالها بعيد ميلادها، قالت: "مش بحب أحتفل بعيد ميلادي ولما حد بيقولي كل سنة وانتى طيبة بعتبره بيشتمني، مش ببقى مبسوطة وبحب اتناسى اليوم ده لأنى بشوفه عداد، البنى ادم عباره عن تجارب لازم تعيشها بطريقة أو بأخرى بس تعيشها وأنت مبسوط، دا غير أنى مش بحب أمشى جمب الحيط، بحب اتنطط وأعوم علشام أحس إن حياتى جذابة، لكن لو مشيت جمب الحيط هزهق".