حورية فرغلي عن حسن شاكوش: مرتبط ببنت اسمها سارة وبيسافر معاها

ردت الفنانة حورية فرغلي على أزمتها مع مؤدي المهرجانات حسن شاكوش، وذلك بعد أن قالت طليقته إنه على علاقة بفتاة ثالث حرف من اسمها راء، وربط الجمهور بين حورية فرغلى وحسن شاكوش، كما أن أكدت حورية أنها ليس لها علاقة به ولم تقابله من قبل.

علقت حورية فرغلى على أزمتها أثناء لقائها في برنامج "in deep" الذي يقدمه الإعلامي تامر شلتوت قائلة: " فيه مليون اسم اشمعنى حورية اللي مسكتوا فيه، أنا عمرى ما شوفت حسن شاكوش أصلًا بس بحب أغانيه، وزعلانة أنه طلق ريم طارق، لو مكانش في حب جامد بينهم مكانش هيكون فيه بينهم خناقات، هي بتحبه قوي وبتغير عليه، بس هو مش عايز يبان قدام الناس بتاع ستات".

تصريحات حورية فرغلي عن حسن شاكوش

أضافت حورية فرغلي قائلة: " ريم طارق كان المفروض تتعلم إزاي تخلي حسن ميبصش لحد غيرها، واللي اسمها سارة دي انتوا سافرتوا وخرجتوا مع بعض، وأنا محبتش أن اسمي يجي في حاجة زي دي، وزعلت لما الموضوع دخل في حته الشرف، بس لما تقولي اسمي هخربلكم الدنيا".

تصريحات حورية فرغلي

كما كشفت حورية فرغلي عن ارتباطها بحرامي الذي جعلها تمر بأزمة نفسية قائلة: " كنت مرتبطة بواحد وطلع حرامي سرق بنك في مصر وسافر، بصيت ملقتهوش، كان بينا مجرد تعارف، وأنا بستحمل أي حاجة إلا الخيانة، وكل الرجالة بيحبوا البنات اللي أجسامهم حلوة، الجمال عينيك هتاخد عليه وخلاص، لكن اللي بيفضل الشخصية والروح ودا الأهم".

ومن جانب آخر، تحدثت حورية فرغلي عن حبها الشديد للتسوق وشراء الملابس، حيث أن أثناء عودتها لمصر بعد إحدي زيارتها لدبي، أوقفها رجل أمن المطار بعد أن فوجئ بشرائها 302 بنطلون معلقة: " رجل الأمن وقفني قالي انتي جايبة 302 بنطلون يا مدام، قلت له والله دول بتوعي مش بتاجر بيهم".

وتابعت حورية فرغلي قائلة: "عندي أوضة خاصة للهدوم، وأكتر حاجة بتضايقني أن البني آدم تكون ريحته وحشة، وأول حاجة بتلفت نظري للشخص سنانة، الله جميل يحب الجمال، أنا بشوف ياسمين صبري ست جميلة قوي".