يوسف فوزي: بنسى في الصلاة وراضي بابتلاء ربنا
![يوسف فوزي](/UploadCache/libfiles/1/5/600x338o/974.jpeg)
كشف الفنان يوسف فوزي عن الأزمات التي مر بها خلال الفترة الأخيرة، وعن مشوارة الفني، بجانب الحديث عن عدة موضوعات مختلفة، وذلك أثناء لقائه في برنامج تفاصيل الذي تقدمه الإعلامية نهال طايل المذاع عبر شاشة قناة صدى البلد.
تصريحات يوسف فوزي
خلال تصويري مسلسل أوبرا عايدة، تنبأت بإصابتي بالشلل الرعاش.
مكنتش قادر أصلي بسبب النسيان، وكنت بواجه المرض لوحدي.
بقالي 28 سنة باصلي، وبدعي ربنا يقدرني وأصلي الفجر الفترة الجاية.
بانسى آيات القرآن في الصلاة، وبتوه في صورة الإخلاص، وبكون مش فاكر الكلام.
محمود حميدة مش بيسأل عليا.
أسرتي رفضت دخولي الوسط الفني.
والدتي كانت بريطانية وتزوجت والدي في مصر، وهي ممثلة عظيمة ومثلت في إنجلترا مسرحيات كتير.
من زمان كان نفسي أمثل، كانت صحتي أحسن من كدا، بس في الأول أسرتي كان عندها الشهادة الجامعية أهم حاجة.
أحمد زكي قالي أنت هتكون زي رشدي أباظة في يوم من الأيام.
صورنا مشهد ضربي لأحمد زكي 9 مرات في النمر الأسود، كان بيعيط من الضحك.
فريد شوقي خدني بالحضن أول ما شافني في فيلم وحوش الميناء.
فريد شوقي قالي لازم تحب المهنة دي عشان تحبك.
من حسن حظي أني شاركت في أفلام مع عمالة الشاشة.
كان نفسي أقدم شخصية السباح العالمي عبد اللطيف أبو هيف، وقال ل صفوت الشريف لو هتعملوا قصة حياتي، أنا عايز يوسف فوزي هو اللي يعمل النص التاني من حياتي.
نادية الجندي لسة روحها حلوة وشخصيتها طاغية، وتستحق لقب نجمة الجماهير.
نادية الجندي عندها جاذبية كبيرة، والأتوبيسات كلها بتقف عشان تشوفها.
عقلي مش مستوعب لحد دلوقتي موت رجاء الجداوي.
بطلب من المصريين لما يشوفوا الممثلين اللي توفاهم الله في التلفزيون، يقرأوا الفاتحة على روحهم، الناس دي قضيت حياتها في سبيل إسعاد الناس.
الراحل حسن حسني كان غول تمثيل.
كان نفسي أمثل تاني بس ما باليد حيلة.
![](/Upload/libfiles/1/5/972.jpeg)
-جالي عدة عروض تلفزيونية، ولكن رفضت بسبب حالتي الصحية.. وبخاف من بكرة.
أنا اعتزلت التمثيل، وراضي بابتلاء ربنا، أكيد ليه حكمة من كده.
بناتي الاتنين في كندا، بسافر لهم أنا ومراتي أكتر من مرة في السنة.
اعتزال يوسف فوزي
يذكر أن آخر أعمال يوسف فوزي مسلسل أرض النعام ومسلسل أستاذ ورئيس قسم، حيث تم عرضهم في موسم رمضان 2015، وبعدها أعلن اعتزاله للتمثيل، بعد أن إصيب بمرض الشلل الرعاش، والذي أبعده عن الشاشة لفترة طويلة.