رباب ممتاز عن السبكي: قالي مش عايز هدوم كله يبقى مفتوح
كشفت الفنانة رباب ممتاز عن كواليس أحد أعمالها، حيث جمعها موقف مع المنتج محمد السبكي، والتى أكدت أن الأخير رفض ارتدائها ملابس محتشمة، وأصر على أن ترتدي ملابس كاشفة.
حكت رباب ممتاز فى تصريحات لها ببرنامج “قعدة ستات”، كواليس فيلم “حلاوة روح” قائلة: "لما كنت بغيّر فى اللوكيشن وخلاص لبست وبعمل شعري، لقيت المنتج محمد السبكي داخل وبيقول ألفاظ مش كويسة، وقالى إيه دا هى لابسه هدوم دى تقلع هدومها، أنا عايزها كله مفتوح مفتوح".
رد رباب ممتاز على محمد السبكي
تابعت رباب ممتاز حديثها مؤكدة أنها استاءت من تلك الطريقة، قائلة: "قلت لأستاذ باسم وقتها أنا مش عايزة أسمع الألفاظ دى بودني، أنا مش بحب أسمع الألفاظ دى، قولتله لو سمحت أنا همشي، مع العلم أن شخصية سماح فى العمل مالهاش أنها تقلع أصلا، لو كان دا دورها كان تمام لكن دا مش دورها، بعدها دخل أستاذ سامح وقالي معلش غحنا هنعمل في الهدوم كدا، في مشهد السطح بس وفى مشهد الحارة هنعدل فيه، وهو بيتكلم أنا نزلت على عيني ستارة سودا".
رأى رباب ممتاز عن سفاح الجيزة
انتشر فى الفترة الأخير فيديو لرباب ممتاز وهى تهاجم مسلسل سفاح الجيزة، معلقة أنها ترى أنه لا يستحق تلك الضجة القوية، قائلة: "المسلسل واخد ضجة على الفاضى، وفيه مشاهد عنف زيادة عن اللزوم، والسيناريو متكرر والفلاش باك فيه كتير جدًا، وبعدين هو فين السيناريو ولا الحوار أصلًا، من الأفضل إن المسلسل يسرد قصة سفاح الجيزة الحقيقي بشكل طبيعى، وهو نجح بسبب أن الناس عندها حب استطلاع".
