داليا البحيري ترد على طارق الشناوي: النقد يكون بالعلم ومينفعش أرمي التاريخ في الزبالة
تحدثت الفنانة داليا البحيري عن سعادتها بنجاح فيلم أولاد حريم كريم، مشيرة إلى أن كل عناصر العمل هى السبب في نجاحه، إلى جانب ردها عن أزمة الفنان مصطفى قمر مع الناقد طارق الشناوي.
قالت داليا البحيري خلال لقاءها في برنامج يحدث في مصر: "مفيش حاجة اسمها حد ضامن نجاح بس فيه شركة إنتاج ومخرج وممثلين كبار ليهم أساميهم وكل عناصر العمل، وكل ده يقولك الفيلم هيطلع حلو، ولما تكون كل العناصر ناجحة طبيعي العمل يكون ناجح، ومش أي مخرج يقدر يعمل كوميدي، لكن أستاذ علي إدريس دمه خفيف".
رد داليا البحيري على أزمة مصطفى قمر وطارق الشناوي
أما عن أزمة بطل الفيلم مصطفى قمر مع الناقد طارق الشناوي، قالت داليا البحيري: "المهنية هى اللي بتحكمنا في الكتابة، غير كده هيبقى فيه تجريح وشخصنة، ولما أجى أنقد لازم يكون بالعلم وأكون دارس الفن اللي هنتقده من غير تجريح، مينفعش أهمش الناس وتاريخها وأرميه في الزبالة".
فيلم أولاد حريم كريم
الفيلم بطولة الفنان مصطفى قمر، داليا البحيري، علا غانم، رنا رئيس، هنا داود، خالد سرحان، بسمة، بشرى، تيام قمر، عمرو عبد الجليل، يوسف عمر، كريم كريم، ومن إخراج علي إدريس، ومن تأليف علي إدريس.
