"كنت هاكلها علقة موت".. ميدو عادل يرد على صفع لقاء سويدان له

رد الفنان ميدو عادل على أزمة صف الفنانة لقاء سويدان له على المسرح في كواليس آخر عرض لمسرحية "سيد درويش"، مؤكدًا أنها ظلت لمدة 30 يوم تسعى لاختلاق المشاكل.

قال ميدو عادل في مداخلة هاتفية لـ blinx، إن الخلافات التي كانت بينه وبين لقاء سويدان كانت موجودة قبل سفر الفرقة إلى الإسكندرية، موضحًا: "المرة دي كل الناس اللي حواليا كانوا بيقولولي هي هتموت وتستفزك، ولمدة 30 ليلة سواء في إسكندرية أو القاهرة، كانت بتحاول تعمل مشكلة، وهما كانوا بيقولولي اهدى وسبحان الله ربنا كان هاديني عليها".

أزمة ميدو عادل ولقاء سويدان 

وأكد ميدو عادل، أنه كان سيضرب لقاء سويدان بعدما صفعته، قائلًا: "لما عملت كده كنت هقوم أكلها علقة موت لكن الناس مسكوني وقالولي انت ربنا بيحبك عشان سكت عشان متوقعش نفسك في غلط وتعرف تاخد حقك، وحق ناس تانية كتير بقوا وراك".

رد لقاء سويدان على أزمتها مع ميدو عادل

وكانت ردت الفنانة لقاء سويدان على أزمتها مع الفنان ميدو عادل من خلال لايف عبر صفحتها على "فيسبوك"، قائلة: "المشكلة كبرت بعد ما قدمت شكوى ضده بسبب واقعة تانية، أنا مش عايزة أشوه سمعة الطرف التاني وحقي هعرف أخده وياريت منصدرش أحكام كإننا كنا شايفين اللي حصل".