إنجي المقدم: مش بدعي المثالية وعايزة اتحرر

كشفت الفنانة إنجي المقدم عن حياتها الشخصية وطفولتها، وعن كيفية تعاملها مع أولادها، مؤكدة أنها لا تتدعي أنها أم مثالية.

وتحدثت إنجي، عن حياتها أثناء لقائها في برنامج"The You In Human" المذاع عبر موقع يوتيوب قائلة: "أنا كنت مبسوطة أوي بفترة الكورونا وقعدة البيت، كان عندي فرصة إني اقعد مع نفسي، والفترة اللي قبل الكورونا دي كنت بهرب وبستخبي كتير وشغل نفسي، كان عندي خوف من المستقبل والمجهول وكنت خايفة على أولادي جدًا".

تصريحات إنجي المقدم

وأضافت إنجي، عن طفولتها وعلاقتها بأهلها قائلة: "الخوف ده جالي من تروما حصلت ليا وأنا صغيرة، أخويا اتوفى قدامي وأنا عندي 6 سنين، والحقيقة دي كانت صدمة بالنسبالي، ده غير خناقات أبويا وأمي وطلاقهم وأنا عندي 14 سنة، ده كمان كان سبب في التروما، وأنا صغيرة اتعرضت للتنمر في المدرسة والنادي".

وأشارت إنجي المقدم إلى أنها لا تدعي المثالية قائلة: "أنا مبحاولش أدعي إني مثالية، وبقول كل حاجة لأولادي، أنا عايزة أكون عايشة في سلام داخلي، واللي جوا يكون زي اللي برا، وأنا عايزة اتحرر وأكون حرة".

وحكت إنجي المقدم عن علاقتها بأصدقائها قائلة: "أنا لسه كل يوم بتعلم أو أغير حاجة جديدة، صحابي متغيروش لكن أكيد في جزء منهم اتغير شوية، وأنا مبقتش اجتماعية أوي، بقيت معظم الوقت لوحدي، ووصلت لمرحلة إني بحب نفسي ومتثالحة جدًا معاها".