منال الفطاطري ترد على الانتقادات الموجهة لابنتها داليا شوقي
كشفت الفنانة المعتزلة منال الفطاطري والدة الفناة داليا شوقي، تفاصيل منشورها التي ردت به بعد الهجوم الذي تعرضت له داليا شوقي بسبب دورها في مسلسل سفاح الجيزة.
وتحدثت والدة داليا شوقي أثناء لقائها في برنامج الستات الذي تقدمه الإعلامية مفيدة شيحة وسهير جودة والمذاع عبر شاشة قناة النهار قائلة: "أنا مش هدعى أني فقيهة في اللغة العربية لكن أنا عندي شوية خبرة، وبحب اللغة بتاعتي وبستطعمها كدا، وبحب أحس بكلامي وانقيه، كان في فئة من الناس بيضايقوني أنا وبنتي، بس كنت بحاول اتغاضى واسيب كل واحد يقول اللي عايزة، لكن لقيت الموضوع ذات عن حده بصراحة، ولقيت تريقة وحاجات مش لذيذة ولا هتقدم ولا هتفيد، بالعكس هي بتأخر وممكن تسبب أذى".
تصريحات منال الفطاطري والدة داليا شوقي
وأضافت والدة داليا شوقي قائلة: "لما أقول رأيي في حاجة يبقي من جوايا عاوزه يتسمع ويكون له قيمة، عكس لما اتريق على حد واشتمه، وأنا بصراحة اتحرقت على بنتي ناس كتير قالتلي أنتي هتكفرينا، لأ ده يعتبر تعبير مجازي بمعنى شوية رحمة، وأنا قصد بالكلام ده فئة من الناس مش بوجه كلامي للناس كلها، أنا قصدت الناس اللي فيه في كلامها عدم رحمة وتطاول كبير".
وتابعت والدة داليا شوقي قائلة: "احنا كبرنا على معشر قريش وأبو لهب واللي هما الناس اللي معندهمش رحمة، أنا مجبتش سيرة نسب النبي، ده تخيل غلط من الناس لأن المقصود كان تعبير مجازي، ودعمته بكلمة عبدة الأصنام وهو كمان تعبير مجازي بمعنى أنكم مش بتفكروا، لأن بنتي داليا عملت المشهد بإحساس كبير وكانت كل خلية في جسمها بتتكلم من صوت وأداء ونظرات، ولما اشوف حد متقمص الشخصية وعايش فيها غير لما اشوف واحدة زي التمثال.. فهل أنتم تعبدون الأصنام؟!".
وعبرت والدة داليا شوقي عن غضبها وحزنها بالإنتقادات التي وجهت لإبنتها قائلة: "داليا حسيت بالمشهد واحنا عندنا علم بخلفية الشخصية وجذورها، ودي واحدة عندها مشاكل في البيئة بتاعتها وحياتها صعبة وتاريخها كان مكتوب، والنقد اللي حصل لبنتي وجعني، وده مش نقد ده اسمه تطاول".
واختتمت والدة داليا شوقي قائلة: "داليا متعرفش أني هكتب البوست، وأنا مفكرتش أصلًا أني أكتب بس حسيت ان الناس دي معندهاش رحمة، عشان حرام هي تعبت نفسها وعملت مجهود في الدور، والحمد لله المخرج نصفها وقال المشهد مسؤليتي، لأنه حرام تشيل شيلة مش بتاعتها، والمخرج كمان في ضهرها، والأخطاء بتحصل وبتعدي وفيه كتير دافعوا عنها ومنهم كاملة أبو ذكري".
