السيسي: «بحيرة ناصر كانت بتنتج 80 ألف طن سمك»
وجه الرئيس عبد الفتاح السيسي، رئيس الجمهورية، حديثه إلى الدكتور السيد القصير، وزير الزراعة واستصلاح الأراضي، أثناء كلمته في مؤتمر حكاية وطن، حيث قال :«حاجته وهو أدرى بيها، واللي هيدخل حيز الإنتاج خلال العام الزراعي هو اللي بيتلكم عليه، لكن إحنا بنتكلم على اللي إحنا مخططين له بالكتير خلال سنة ونصف».
كلمة الرئيس السيسي اليوم
وتابع أيضًا : «لما نتكلم على إضافة 4 ملايين فدان في أرض ظروفها مش مستقرة لأن ماعندناش مياه ممطرة على مدار العام، إحنا علشان نعمل في توشكى المشروع بتقول فيه حائط صخري 7 كيلومترات، وفضلوا موقفين المشروع العشرين سنة اللي فاتوا، ده هيتكلف تريليون جنيه، إحنا مبنقولش حاجة أبدا مش صادقة الرقم اللي قلته في الأول أنا اتخضيت، قلت مش عاوز يقول الفلوس ليه؟».
كلمة الرئيس السيسي في مؤتمر حكاية وطن
وسأل الرئيس السيسي وزير الزراعة، قائلًا : « بعد اللي اتعمل هنا واتكلف، طب أنتم دفعتوه؟»، فرد عليه الوزير : «دفعنا آه، إحنا عملنا في فترة التوقف اللي فات»، فقاطعه الرئيس متسائلًا : «دفعتوا إي في التكريك»، ليجيبه الوزير: «لأ مدفعناش»، فمازحه الرئيس : «أومال إيه؟».
كلمة الرئيس عبد الفتاح السيسي
وأردف الرئيس السيسي : « الموضوع شغال بالكراكات اللي اشتريناها وبين هيئة قناة السويس، عشان نكرك الكلام ده، لو كنا دخلنا شركات أجنبية كنا هنبقى عاوزين 200 أو 300 مليار جنيه».
كلمة الرئيس السيسي
واستطرد قائلًا : «أنا المهم بعد ما عملنا ده ونجحنا بالطريقة دي، مش هنفرح دلوقتي، ومنكملش الفكرة، الفكرة بأن البحيرات دي عبارة عن مزارع سمكية بقول عليها طبيعية صناعية، ليه صناعية؟.. عشان هنتدخل فيها».
فعاليات مؤتمر حكاية وطن
وفي سياق متصل، وجه الرئيس السيسي كلامه إلى وزير الزراعة، متسائلًا : «العنوان اللي وراك حكاية وطن يعني إيه؟ يعني عاوز تقول للناس إن بحيرة ناصر اللي كانت بتطلع 60 و70 و80 ألف طن مبقتش تطلع كدا.. طب ليه؟ بالرغم من النظم الحديثة جدا في الاستزراع والإنتاج، والناس تاخد السمك نصه والباقي يتلف منها».
كلمة الرئيس عبد الفتاح السيسي اليوم
وتابع السيسي : « البحيرة دي فيها 40 ألف صياد، طب لو النهارده الإنتاج بتاعهم تمام أولا هيبقى لهم عائد مادي، ولينا إحنا إنتاج بدل ما تقول النهارده الدواجن أو اللحوم، لكن العدد اللي عندنا كبير، وبالتالي عينينا دايما نعظم ما لدينا».