إلهام شاهين: "لو رجع الزمن بيا هعمل إجهاض برضو ودلوقتي مينفعش أخلف"

أكدت الفنانة إلهام شاهين، أنها قابلت شخصيات مصابة بمرض الزهايمر قبل تجسديها هذا المرض في حكاية ألفريدو، المأخوذة عن كتاب 55 مشكلة حب للراحل مصطفى محمود، مشيرة إلى أنها تنصح نفسها باستمرار بأن تهتم بفنها لأنه كيانها.

تحدثت إلهام شاهين خلال مداخلة هاتفية عبر برنامج "تفاصيل" عن إجهاضها لطفلين قائلة: "لو رجع بيا الزمن هعمل كده تاني ومش ندمانة لكن مش قد المسئولية، بس خلاص فات الميعاد دلوقتي أنا مش هفكر في خلفة مينفعش أخلف تاني خلاص، مش عاوز أشيل المسئولية خالص".

تصريحات إلهام شاهين

وتابعت إلهام شاهين:"أنا بموت في أولاد أخويا وأنا بتاعت الوقت اللذيذ لكن هتيجي للي بيعيط وتعبان وعاوز يغير أنا مليش فيها، علشان كده أنا مقدرش على المسئولية دي، ومحظوظة قوي أني عندي صداقات كبيرة رجالة وستات بستفيد منهم ومن آرائهم بيحبوني وبحبهم وبتعلم منهم الصداقة دي شي عظيم في الدنيا".