"قعدت سنتين في صمت بعد وفاة والدي ووالدتي وقريب هرجع للتمثيل".. أبرز تصريحات إيمي سمير غانم

تستعد الفنانة إيمي سمير غانم للعودة مرة أخري لنشاطها الفني وذلك بعد غياب دام سنتين منذ وفاه والديها الفنان سمير غانم والفنانة دلال عبد العزيز حيث كشفت عن بعض التصريحات من خلال مشاركتها في برنامج “كلام نواعم” عبر قناه MBC، وفي التقرير التالي إليكم أبرز تصريحات إيمي سمير غانم.

أبرز تصريحات إيمي سمير غانم 

-مبفهمش في حاجة تانية غير التمثيل، وفضلت سنتين في حالة صمت بعد وفاة والدي ووالدتي.

- بابا وماما كانوا هيحبوا أننا نرجع نشتغل ودنيا بدأت الحمد لله، وأنا إن شاء الله هشتغل قريب بس نطمن علي أحوال البلاد.

-أول مرة أحس اني مشهورة بعد مسلسل هبة رجل الغراب.

- ساعات ببقي نكدية بس مش طول الوقت فرفوشة، لكن أنا كوابيسي كتير.

-نفسي أكون الهادية بس حاولت معرفتش، وجوزي غيري تماما هو شايف إني عجوزة وأنا صغيرة، ومع أحداث غزة بمسك التليفون ويبقي مش عارفة اتنفس.

-شخصيتي شخصية أم وكنت مهيأة نفسي قبل الولادة كنت مدمنة مساعدة أي ممثل كبير في التصوير معانا زي بابا، أو اي حد سنه كبير في الشارع، دلوقتي بقيت أوفر الاهتمام للاطفال، وأنا أصلًا مش بفهم في الأطفال. 

-حاليا مش عارفة اشتغل عشان ابني موجود معايا في كل مكان ومش عارفة اسيبه.

-حسن الرداد بيتوني بطبعه، وبعد الأحداث اللي مرينا بيها في عائلتي وعيلته، على طول عايز يشوف ابنه، ولو شغال عايز يرجع بسرعة عشان يشوفه ومش بيعبرني.

-بحس إني دمي مش خفيف زي بابا الله يرحمه.