لبلبة تكشف حقيقة تصريحاتها عن محمد صلاح: مستحيل أقول الكلام ده

أعربت الفنانة لبلبة عن استيائها، بعد أن تفاجأت بنشر فيديو لها بعنوان "شوف لبلبة قالت ايه عن موقف محمد صلاح من فلسطين"، مؤكدة: "ورحمة أمي ما أعرفه".

وتحدثت لبلبة في بيان رسمي قائلة: "لما نقابة المهن التمثيلة وجهتلي دعوة لحضور الوقفة التضامنية مع أهالي غزة وفلسطين، روحت لمكان الإجتماع ولما وصلت اتجمعوا حوليا الصحافة ووسائل الإعلام بيسألوني عن اللي بيحصل في غزة".

تصريحات لبلبة

وأضافت لبلبة قائلة: "والحقيقة أنا قلت كلام من قلبي لأني كنت موجوعة من اللي بنسمعه ونشوفه يوميًا، واللي بيتعرضله الشعب الفلسطيني، هما أخواتنا واللي بيتعرضه الأطفال الأبرياء ده حرام".

وتابعت لبلبة قائلة: "وبعدها أنهيت كلامي، ولقيت شخص بيسألني عن رأيي في اللي قاله محمد صلاح، ورديت عليه أني مسمعتش اللي قاله لأني مش من اللي بيتابعه مواقع التواصل الاجتماعي، ولكن بعدها بيومين فوجئت بتغير كلامي في المونتاج، وإني قلت إني معرفش محمد صلاح، وده كلام أنا لا يمكن أقوله نهائيًا".

وأشارت لبلبة إلى أنها تحترم الجميع قائلة: "أنا بحترم الجميع ومحمد صلاح مش بس فخر العرب، هو فخر العالم كله، وكلنا بنحبه ولايمكن أني أغلط في أي شخص، ده غير أن الكلام ده مش مجال الآن".