ويجز يوجه رسالة بالإنجليزية لجمهوره في كندا: الإعلام بيكذب عليكم

وجه الفنان ويجز رسالة باللغة الإنجليزية لجمهوره، وذلك أثناء إحياء حفله بمونتريال الكندية، لدعم القضية الفلسطينية والفلسطنيين.

ويجز يدعم فلسطين وأهالي غزة 

حرص المطرب ويجز علي دعم الشعب الفلسطيني من خلال رسالة وجهها أثناء حفله بكندا، وقال ويجز: الإعلام بيكدب  عليكم وأنا عارف أنها مش  مفاجأة لبعض الناس ولكن هناك  إبادة جماعية في غزة.

وأضاف ويجز: معظمكم عايش هنا وبيحتك مع اسمهم إيه واللي جمبيهم أو اللي ميعرفوش أصلا فأتمنى كله يبقى عنده الحاجة اللي بتقهرك إن في ناس معندهاش أي  إحساس بالمسئولية ومتعرفش حاجة عن اللي بتحصل وبجد مغيبين.

وختم ويجز حديثه قائلا : هل نحن ندين الإرهاب؟ نعم نحن ندين الإرهاب وقتل أكثر من 2000 طفل وندين أفعال أمريكا وإسرائيل والفصل العنصري  ضد فلسطين والفلسطينيين.

دعم متكرر واستنكار

لم تكن هذه المرة الأولي التي يدعم فيها الفنان ويجز أهالي فلسطين والقضية الفلسطينية لكنه ظهر من قبل في إحدي اللقاءات التليفزيونية وقال: أنا حاسس إن الموضوع صعب، إحنا نشرح للناس إن الفلسطيني بني آدم؟ ده مش منطقي، أنا مش فاهم ليه إحنا محتاجين نطرد اليهودي من أوروبا ويجي يستوطن في فلسطين؟، ما أنت لو بني آدم وعايز تعوضه طيب ما تدي له  جزء من  أرضك.

وتابع ويجز: أمريكا أكبر شيء واقف ضد الفلسطنيين وضد الإنسانية ، يعني ضد أننا نوقف ضرب ونقتل، وضد إن يدخل مياه، هي واقفة كما السيف علشان الفلسطنيين مياخدوش حقهم، وفي جرائم لا تغتفر ومش بس المقاومة إحنا دورنا خارجي أكبر بكتير أوي.

وختم ويجز: اللي أنا بحاول أفهمه ليه في ناس بتدفع فلوسها لـ إسرائيل وبتدعمهم علشان تقتل مجموعة من المدنيين، إحنا شوفنا أمريكا وهي بتحارب وشوفنا لما جابت أسامة بن لادن، وشوفنا أطفال بتموت ولكن مش بالشكل ده، إحنا في 2023 و8000 بني آدم يموتوا في أسبوعين ونعيش حياتنا عادي، ده مش طبيعي.

إقرأ أيضا:أمير رمسيس يستقيل من إدارة مهرجان القاهرة السينمائي الدولي