كنت مذهول.. أحمد حلمي يكشف كواليس لقاءه الأول مع أحمد زكي

كشف الفنان أحمد حلمي عن كواليس لقاءه بالفنان أحمد زكي، وذلك أثناء حلوله ضيفًا على حلقات الموسم الثاني من برنامج Sold Out، مع الإعلامي محمود سعد.

قال أحمد حلمي: "لما قعدت مع أحمد زكي كنت في حالة ذهول، أول مرة اتعرفت عليه كان عن طريق عمر عبد الحليم، كنت بشتغل معاه كمساعد مخرج، وكان عمر يغطي مهرجان الإسكندرية، وقالي إنزل وشوف الأستاذ أحمد في المطعم فاضي علشان نسجل معاه الحوار، نزلت وسألته، فقال: طبعًا فاضي وقعدت معاه سألني عن اسمي، وكنت في حالة ذهول".

كواليس لقاء أحمد حلمي وأحمد زكي

وأضاف أحمد حلمي: "قولتله في فيلم زوجة رجل مهم، لما قٌمت بحركة الشنب، هل كان في السيناريو أم ارتجال منك؟ قالي لا كان ارتجال مني، سألته سؤال تاني قُلت له في فيلم ضد الحكومة التفة اللي كانت في الفيلم دي مكتوب في السيناريو، قال لا أنا اللي عملتها".

وتابع حلمي: "قولتله في فيلم استاكوزا وأنت قاعد مع حسين الإمام لما قالك لو معاك مليون هتعمل إيه؟ قلت له هخلي والدتي تحج وهفتح مصنع لوالدي هل كان مكتوب في السيناريو، قالي كان مكتوب ولكن أنا قدمته بطريقتي".

واستكمل أحمد حلمي: "ولما دخل عمر علشان يبدأ الحوار أحمد زكي قاله أكتب الأسئلة اللي قالها أحمد حلمي، ولكن أكتب في الحوار طالب من معهد السينما وأنا مكنتش طالب في المعهد".

اقرأ أيضًا: حمو بيكا عن إمكانية اعتزاله الغناء: هبقى بزنس مان.. وبنتي ممكن تغني مهرجانات