حمو بيكا: "محمد رمضان لو بدأ مغني مكنش هيتشاف وويجز مشرفنا بس محدش بيفهم كلامه"

كشف مؤدي المهرجانات حمو بيكا عن رأيه في نوعية الأغاني التي يقدمها الفنان محمد رمضان، إلى جانب رأيه في أغاني الراب وويجز.

وقال حمو بيكا في حواره مع الإعلامية فرح شاهين، ببرنامج يومينهم، إن الفنان محمد رمضان ناجح فنيًا، مؤكدًا أنه لو بدأ الفن بالغناء لم يكن سيحقق هذا النجاح الذي هو عليه اليوم.

حمو بيكا: محمد رمضان لو بدٱ بالغناء مكنش هيتشاف

وأضاف حمو بيكا: "محمد رمضان له جمهوره الخاص ويتحط مع ويجز في النجاح، لو كان بدأ في الغناء مكنش اتشاف من قبل التمثيل، ومسحبش مننا البساط واحنا نجوم ولينا ناس وشعبية وجمهوره جمهورنا".

وتطرق حمو بيكا للحديث عن  رأيه في أغاني الراب والمطرب الشهير ويجز، وقال: "أنا مبفهمش كلام الراب إزاي الناس هتفهمه، أنا اختارت أغني مهرجانات شعبية عشان بتحكي عن الواقع واللي بنمر بيه، وفي كلام جوانا كتير مبنعرفش نعبر عنه ف نعبر عنه بالمهرجانات، انا بحب الأغاني بشكل عام مش مهرجانات بس".

وتابع حمو بيكا: "ويجز حد محترم ومشرفنا بره وجوه مصر، بس ممكن في ناس مبتفهمش لغة الراب وكلام ويجز مش مفهوم برضو، يعني الطفل اللي عنده 11 سنة حافظ أغاني المهرجانات كلها، وممكن يغني أجنبي أفضل يتفهم".

اقرأ أيضًا: حمو بيكا عن إمكانية اعتزاله الغناء: هبقى بزنس مان.. وبنتي ممكن تغني مهرجانات