جمال العدل عن محمد رمضان: "بيعمل إحباط للشباب وبيبقى متوقع أنه هيتشم"

كشف المنتج جمال العدل عن رأيه في تصرفات الفنان محمد رمضان من خلال مواقع التواصل الاجتماعي بسبب نشره صور مقتنياته وسياراته التي يثير الجدل من خلالها.
قال جمال العدل خلال لقاءه ببرنامج "سوبت لايت" مع الإعلامية شيرين سليمان: "من وجهة نظري وفي رأيي المفروض محمد رمضان ميعملش كده، المفروض ميبقاش عنده أكثر من عربية، لأنه بدل ما يكون مثال للشباب بيعمل لهم إحباط، في حين أن أحمد زكي مجابش عربية مهمة إلا بعد فترة".
جمال العدل على محمد رمضان
وأضاف: "كواحد في سني بحس إن اللي بيعمله مش مظبوط وقلت له الكلام ده، لكن من وجهة نظره وطريقة تفكيره هو ناجح جدا ويمكن أنا اللي مش فاهم ده".
وتابع جمال العدل معطيًا مثال لتصرفات رمضان التي تستفز الجمهور، قائلًا: "بيحط صورة يظهر فيها فلوس جنبه ويتشتم وبعد 20 ساعة يشيل الصورة، هل هو مش متوقع أنه هيتشم؟ بس بقى تريند وجايز هي دي دماغه، أنا في الآخر دا ميسعدنيش لكن هو مبسوط".
أما عن رأيه في محمد رمضان كفنان، استطرد قائلًا: "محمد رمضان قماشته واسعة قدر يغني ويعمل كوميدي وتراجيدي وشعبي، وفيلم ع الزيرو أخد رد فعل نقدي كويس، لكن محققش نجاح كبير لأنه مش شبه أفلام العيد".
اقرأ أيضًا: في ذكرى ميلاده.. جُمل حوارية للنمر الأسود أحمد زكي لا يمكن نسيانها