فدوى عابد: "لبست الحجاب شهر وقلعته لما اتعرضت للتحرش"

كشفت الفنانة فدوى عابد عن تجربتها مع ارتداء الحجاب، وعن سبب ارتدائها له ثم خلعه، مركدة أنها ارتدت الحجاب لمدة شهر واحد عندما كانت في الجامعة، معتقدة أنه سيحميها من الرجال.

قالت فدوى عابد في لقاء تلفزيوني لها: "اتحجبت شهر وكانت تجربة أيام الجامعة، لأني كنت غضبانة وكنت بقول يمكن أنا اللي غلطانة أن الرجالة بتبص لي بطريقة معينة، فقررت ألبس واسع وطويل يمكن ساعتها ميشوفونيش، فقررت ألبسه كنوع من الحماية".

فدوى عابد تكشف كواليس ارتدائها للحجاب

وأضافت: "لحد ما كنت في الجامعة في عز الظهر في رمضان وكنت واقفة جنب كشك كلنا بنقف فيه، وواحد معدي مد إيده روحت قعدت في البيت أسبوع وبعدين قررت أني أخلعه وعرفت أن مش بيحوق فيهم، أنا كنت لابساه من غير اقتناع لمجرد حماية، ولما خلعته قلت خلاص هشوف طريق تاني زي العنف، والموقف ده خلاني طول الوقت اقرأ الراجل أسرع ومش سهل اللي قدامي يتعدى حدوده معايا أو يتحرش بيا".

أما عن تجربتها مع التحرش، قالت فدوى عابد: "تجاربي مع التحرش كثيرة أوي يمكن عشر مرات وبدأت أيام المراهقة، وأول مرة كنت في تاكسي أيام ثانوية عامة، وكنت خايفة بشكل رهيب، وطلعت لماما منهارة لأني مكنتش فاهمة، وخدت وقت طويل علشان أفهم إني مش لازم أسكت ولازم أفضح المتحرش، وإني مش غلطانة في حاجة، ومش سهل لأي بنت تتعرض للتحرش أنها تاخد موقف.

وعن انتقامها من المتحرش، تابعت: "أظن الغضب اللي جوايا هو السبب اللي خلاني أقول مش هسكت، وفي مرة ضربت المتحرش ومش هينفع أقول على التلفزيون هو عمل معايا ايه، وكنت مرعوبة ومش سهل قرار أني أضرب لأن الراجل أقوى مني، وأنا مبسوطة إن جيلنا شجع أجيال بعدنا تتكلم عن التحرش وتطرح الموضوع للنقاش".

إقرأ أيضا: بعد طردها من سلسلة scream لتضامنها مع فلسطين.. نجوم الفن يدعمون ميليسا باريرا