محمد ممدوح: أمينة خليل مجتهدة وأنا تعبت تامر حبيب في جراند أوتيل
تحدث الفنان محمد ممدوح خلال لقائه ببرنامج صاحبة السعادة، مع إسعاد يونس عن تفاصيل حياته الشخصية والفنية.
وكشف محمد ممدوح، عن سبب نجاح فيلم وش في وش، مؤكدا أن السيناريو هو السر.
وقال محمد ممدوح: “الورق كان حلو أوي، وبطل العمل هو وليد الحلفاوي، والمونتاچ مكتوب في الورق، ودي تجربة جديدة وإنتاجه مش كبير، واللي شايفه مفيد من العمل دا أن السوق فيه حاجات كتيرة، ومش لازم العمل يكون إنتاجه كبير”.
وتابع: "الفيلم مشكلة اجتماعية عادية لاتنين عايزين يتطلقوا، لكنه مكتوب حلو وفيه كوميديا الموقف، مش مجرد إفيه".
وأضاف: "الفيلم فيه عوامل كتير تنجح أي عمل، شركة إنتاج بتدعم الفيلم والمخرج ومدير التصوير والممثلين، وفيه مفاجآت كتير للناس، أن الممثلين دول بيضحكوا أو جداد زي دنيا سامي، وهو تجربة جديدة والناس محتاجة تجربة جديدة".
وعن العمل مع أمينة خليل قال: "أنا بحب اشتغل مع أمينة خليل لأنها مجتهدة جدا، وفاكر في مسلسل "خللي بالك من زيزي"، كان عندنا مشهد في العربية وكنا تعبانين أوي، والمشهد ليل فلازم نصور قبل الشمس ما تطلع، وهي فكرت في فكرة خلت المشهد تريند مهما كانت تعبانة هي بتحب شغلها، وأنا بحب اشتغل معاها".
كما كشف عن التعديلات التي أجراها على شخصيته في مسلسل "جراند اوتيل"، قائلا: "شخصيتي في جراند أوتيل كانت محيراني، وتعبت تامر حبيب لأن الدور مكانش مكتوب كدا، وأنا من الحاجات اللي تامر كان كاتبها كنت شايف أن الحاجات اللي هو بيعملها دي محتاجة حد مخ على قده، أنه يبقى عارف أن الولد مش ابنه بس هو مصدق أنه ابنه، فلازم يبقى في حاجة غلط فبدأت اقرأ عن نوع من التوحد، هو التوحد النفسي بسبب التربية، واتكلمت مع دكتور نفسي بس بردو الرؤية مكانتش واضحة، وهما مكانوش فاهمين أوي لغاية أول مونتاج المخرج قالي كمل كدا خصوصا أن النقلة دي ممكن تأثر على باقي الورق وتامر لما عجبته بدأ يغير شوية في الورق".
إقرأ أيضا:طارق الشناوي يرد على أشرف زكي: هناك تعتنت وظلم من نقابة المهن التمثيلية
