يسرا من مهرجان الجونة: حياتي فيها تحديات ومكنتش اعرف معنى كلمة اختيار

تحدثت الفنانة يسرا خلال الماستر كلاس الخاص بها، بمهرجان الجونة في دورته السادسة، عن تفاصيل عن حياتها الشخصية، والعقبات التي واجهتها، والقرارات التي أثرت على مجرى حياتها.

وقالت يسرا" حياتي كانت حياة صعبة فيها تحديات ليا ، وعديت بعقبات كتير فى حياتى، وخصوصًا لما بتوصلي لمرحلة نجومية معنية بتبقي خايفة من غلطة تضيع  كل مجهودك ، فالأزمات يا إما بتطلعى منها مهزومة يا منتصرة، ومفيش أزمة مهزمتنيش فى الأول وانتصرت عليها بعدين". 

وعن علاقتها بربنا قالت" علاقتى بربنا هى اللى قوتنى في كل مراحل حياتى، فلو اتظلمت ربنا هيرجعلى حقي،   وأنا  مؤمنة تماما إن كل واحد ليه علاقة روحانية مع ربنا فى لحظات، أما علاقتى بالفلوس فأنا  مش عاوزة أحتاج لأى حد ومش عاوزة أبقى مديونة لحد وكل اللى عاوزاه أبقى مستورة".

وعن الندم فى حياتها وقراراتها الخاطئة أضافت يسرا"أكيد فى قرارات كتير في حياتي كانت غلط،  وفى فترة من حياتى اخترت حاجات غلط واخترت شخص غلط ارتبطت بيه، ومهنيا فى حاجات اخترتها بجهل مهني فى اول حياتى  كان رغبة  مني فى التواجد ومكنتش اعرف معنى كلمة اختيار".

إقرأ أيضا:تزوجت 3 مرات وعاشت مع الأشباح.. لقطات من حياه مها أبو عوف