يسرا: "كلمت ربنا وطلبت أكون زى سعاد حسني وعملت 20 فيلم منزلوش"

تحدثت الفنانة يسرا عن رغبتها بأن تكون مثل الفنانة الراحل سعاد حسني في مشوارها الفني، إلى جانب الكشف عن كواليس رؤيتها، وذلك خلال ندوتها المقامة على هامش مهرجان الجونة السينمائي.

قالت يسرا: “لما شوفت سعاد حسني حسيت أن في ألماظتين طالعين من عنيها، كنا في المعمورة، وإحنا ماشيين المشهد كان بيصغر كده، فأنا وقتها كلمت ربنا وقولت هو أنا ممكن أكون زيها، دي اللحظة اللي أنا حلمت بيها وألهمتني أني أكون زيها”.

يسرا: عملت 20 فيلم منزلوش 

وأضافت يسرا: “أستاذ عبد الحليم نصر سمع عني وكان أهم مصور في الوقت ده، وقعدني في مكان معاه هو والأستاذ حسين الصباح، في شكل دايرة عشان يشوف زوايا وشي، وقالي هديكي أول بطولة مكنتش مصدقة نفسي، وأخدت بطولة من أول فيلم عملته”.

واختتمت يسرا حديثها، قائلة: “عملت 20 فيلم منزلوش، وكانوا مسميني وقتها النجمة المعلبة زي الزيتون كده، وبقيت أقول إيه هو أنا هعمل أفلام وتتحط في العلب بس، أوقات كنت بقدم 6 أفلام في اليوم، وبطلع من الأوردر ده على الأوردر ده”.

إقرأ أيضا: تزوجت 3 مرات وعاشت مع الأشباح.. لقطات من حياه مها أبو عوف