ليلى علوي عن يسرا: "بتفرق فتة ولحمة بنفسها وربة أسرة ناجحة"

كشفت الفنانة ليلى علوي عن العمل الخيري الذي تعده الفنانة يسرا دائمًا وفي السر، وأشارت إلى أن الفنانة لا تكتفي بزيارة المستشفيات فقط، ولكنها تقدم اللحوم والفتة بنفسها.

قالت ليلى علوي  أثناء حضورها ندوة يسرا التي أُقيمت في الساعات الماضية ضمن فعاليات مهرجان الجونة السينمائي: “هي إنسانة خيرية جدًا مش بس بتروح مستشفيات، ولكن كمان بتفرق عيش ولحمة وفتة بنفسها، وهى إنسانة وست زي أى ست، ربة أسرة ناجحة، أنا فخورة إني بقول كده لأن الناس بتفكر أن النجوم عايشين حياة مختلفة عنهم وده مش حقيقي، هي كائن غني بالإيجابيات، ومش بتستغلها لنفسها فقط ولكن للناس كلها”.

يسرا: لازم نحافظ علينا علشان عمرنا يطول في الفن

كما وجهت الفنانة ليلى علوي سؤال إلى يسرا، وقالت: قولتي لو لعبت دور هشوف هستفيد منه ولا لا، وإحنا اتعرض علينا سيناريوهات كتير، ولكن بتحسي إنك مش بتستفيدي من العمل الاستفادة اللي تستحقيها؟".

وردت عليها يسرا: “لما توصلي لحتة معينة لازم تحافظي على نفسك، عشان المصداقية اللي بينك وبين الجمهور متتهزش، واحنا في الأول يحق لينا منختارش صح لأننا مش فاهمين لكن بعد فترة لازم نحافظ علينا عشان عمرنا يطول فنيًا”.

إقرأ أيضا: تزوجت 3 مرات وعاشت مع الأشباح.. لقطات من حياه مها أبو عوف