أحمد سعد يطرح أغنية "كده لا" من فيلم أبو نسب.. فيديو

طرح المطرب أحمد سعد أحدث أعماله الغنائية بعنوان “كده لا” من فيلم “أبو نسب” بطولة محمد إمام، الذي تم طرحه في دور العرض السينمائية يوم 21 ديسمبر الجاري.

وأغنية “كده لا” من فيلم أبو نسب، ومن كلمات منة القيعي، وألحان إيهاب عبد الواحد، والتوزيع الموسيقي أحمد طارق يحيي وإسماعيل نصرت، وتم طرحها عبر قناة اليوتيوب الرسمية للفنان أحمد سعد.

أغنية أحمد سعد من فيلم أبو نسب

وتقول كلمات أغنية فيلم أبو نسب: “ايه ده لأ.. كدا فجأة؟ بتدق ف قلبى الدقة مين زق الزقة دى عايز اعرف مين دا ومش طيب ليه؟ دا شرير دا خطير دا ماشوفتش زيه كتير مش عارف أنفد منه بجلدى ولا الزق فيه بضمير أنا شكلى اهو هجمد قلبى واقرب منه والاغيه وهبص ف عينه يميل جمبى ونرقص ع التراباتيه ولا اسكت اصل كتير قبلى اكيد راحوا ورجعوا فشوش متلخبط حاسس حد مخبط على راسى بشاكوش فيه شراسه ولذاذة ساقع سخن دا ف ازازة الميكس غريب ودا مش هيسيب قلبى الا وطايله الكارثه.. بتسوح طب اروح أنا مالى بزن بنوح لا دا شاكله فى حاجة غير التانيين، لاتكونشى الحاسة السادسة أنا شكلى اهو هجمد قلبى واقرب منه والاغيه وهبص ف عينه يميل جمبى ونرقص ع التراباتيه ولا اسكت اصل كتير قبلى اكيد راحوا ورجعوا فشوش متلخبط حاسس حد مخبط على راسى بشاكوش”.

يشار إلى أن الفنان أحمد سعد ظهر كضيف شرف ضمن أحداث فيلم “أبو نسب” مع الفنان محمد إمام، ماجد الكدواني، ياسمين صبري، محمد لطفي، ماجد المصري، ومن إخراج رامي إمام، وتأليف أيمن وتار، وحقق الفيلم نجاح كبير وقت طرحه في السينمات.
اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة