منتج مسلسل حالة خاصة بعد نجاحه: "المشاهد المصري مخذلناش كالعادة"
كشف طارق الجنايني، منتج مسلسل “حالة خاصة”، عن رأيه في النجاح الكبير الذي حققه المسلسل بعد عرض حلقتين فقط، قائلًا إنه يعتبر نجاح المسلسل بسبب دعوات والدته له.
قال طارق الجنايني في مداخلة هاتفية ببرنامج “الحياة اليوم"، مع الإعلامية لبنى عسل: “ربنا كريم، ومسلسل حالة خاصة الحمد لله اللي عمله إمبارح حاجة محدش شافها من فترة طويلة، الناس كلها بتتكلم عنها بإيجابية كبيرة جدًا، ولفت نظري إن الناس شافت اللى إحنا شايفينه”.
منتج مسلسل حالة خاصة: المشاهد المصري ذواق
وأضاف: “إحنا تحمسنا للعمل، ولما تكلمنا فيه مع الأبطال تحمسوا وشافوا اللى إحنا شايفينه، ووفروا لينا كل اللي نقدر نعمله عشان نطلع عمل محترم كده، والمشاهد مخذلناش كالعادة، والمشاهد المصري والعربي بيثبت مرة تانية من خلال مسلسل حالة خاصة إنه مشاهد ذواق، ولما تديله حاجة حلوة ومتعوب عليها وفيها تفاصيل مهمة”.
واختتم حديثه، قائلًا: “أنا كنت خايف من مناقشة فكرة التوحد، وقعدت فترة قلقان، ولما قرأت السيناريو لقيته حلو جدًا، ومكتوب بسلاسة، ويناقش قضية مهمة جدًا من غير أي سواد أو كآبة”.
مسلسل "حالة خاصة" يعتبر أحدث أعمال watch it الأصلية، ومن بطولة طه دسوقى، غادة عادل، أحمد طارق، هاجر السراج، حسن أبو الروس، وئام مجدى، أحمد الأزعر، على السباعى، لينا إيهاب، الطفل أدم وهدان، أدهم النحاس وتأليف مهاب طارق وإخراج عبد العزيز النجار وإنتاج طارق الجناينى، ويتكون المسلسل من 10 حلقات فقط.
اقرأ أيضا: أحمد ماهر يكشف لـ "بالمصري" تفاصيل شخصيته في مسلسل صيد العقارب
