صلاح عبد الله عن أزمة محمد صلاح: "عمل كتير لمصر وهاتوله لعيبة بمستوى ليفربول"

علق الفنان صلاح عبد الله، على الهجوم الذي تعرض له لاعب كرة القدم الشهير محمد صلاح، بعد مباراة مصر وغانا في كأس الأمم الإفريقية.

قال الفنان صلاح عبد الله، في تصريحات تلفزيونية: “محمد صلاح عمل كتير لمصر ولو عايزينه يلعب زي لعبه مع ليفربول هاتوا ليه اللعيبة اللي بيلعبوا معاه، صدق نجيب محفوظ لما قال اَفة حارتنا النسيان، مينفعش ننسى كل اللي عمله محمد صلاح لمنتخبنا، صلاح عمل كتير للمنتخب وصورة رائعة لمصر في إنجلترا وأوروبا والعالم كله، الدوري الإنجليزي بيشوفه 4 مليارات شخص على مستوى العالم على الأقل فيهم مليار يعرفوا مصر بالكاد دلوقتي فيه 3 مليار تانيين بيعرفوا مصر بسبب متابعة صلاح”.

تعليق صلاح عبد الله على أزمة محمد صلاح

وتابع صلاح عبد الله: “مش كل الناس في العالم عارفة مصر، ولكن الكتير منهم عرفوا بلدنا من خلال محمد صلاح والكرة، وعلشان كده بقول محمد صلاح عمل لنا كتير، عمل كتير للمنتخب لكن إحنا انفعاليين، في مرة صلاح عمل حاجة وزعلت وعملت إفيه وقلت إني مش هشجع ليفربول تاني، والمقصود بالجملة إني بشجع ليفربول عشان صلاح، محمد صلاح عمل لنا صورة رائعة في أوروبا”.

واختتم صلاح عبد الله حديثه، موضحًا أن تعامل البعض مع صلاح على أنه فوق النقد، يضع ضغطًا على اللاعبين الآخرين، مستنكرًا مطالبة البعض لصلاح بتقديم أداء مماثل لأدائه في ليفربول، مضيفًا: “أعجبتني تدوينة للفنان نبيل الحلفاوي، قال فيها: لو عاوزين صلاح يلعب زي ما بيلعب في ليفربول، هاتوا له نفس مستوى لاعبي ليفربول.. إحنا مش في نفس المستوى ولازم نكون متصالحين مع الفكرة دي".

اقرأ أيضا: عمر طاهر: حبيبي الأولاني أول أغنية اكتبها والڤيديو بيوصل المعاني للجمهور أفضل