شاهيناز: في مذيعة رفضت ظهوري في برنامجها عشان معنديش فضايح
كشفت المطربة شاهيناز عن رفض إحدى الإعلاميات ظهورها معها في البرنامج الخاص بها، بسبب عدم وجود أزمات مثيرة للجدل في حياتها، أو فضائح.
تصريحات شاهيناز
وقالت شاهيناز في تصريحات تليفزيونية: "في مذيعة من الموجودين حاليًا رفضت إني أظهر معاها في برنامج لأني غير مثيرة للجدل، وأنا عرفت بالصدفة أن هي قالت إن حياتي هادية ومفيش فيها فضايح، وأنا ماليش الحق أطلع أهاجم حد عنده وجة نظر مختلفة عني".
أما عن القرار الذي ندمت على اتخاذه، فعلقت شاهيناز قائلة: "مقدرش أقول أن في قرار ندمت عليه في حياتي، لأن شعور الذنب بالنسبة ليا شعور سلبي، وأنا مبديش نفسي فرصة إني أعيشه، ولكن أقدر أقول أن أي حاجة حصلت في الحياة أنا محبتهاش أوي كانت قرار اتعلمت منه، ولكن مبندمش وبعتبر دا درس وعلامة وإشارة".
شاهيناز توجه رسالة للجمهور
كما وجهت شاهيناز رسالة للجمهور، وقالت: "نفسي الجمهور يبدأ يسمع تاني أغاني حلوة، خلاص إحنا سمعنا كتير هبد ورزع، وفي معاني بقينا بنفتقدها دلوقتي ياريت نرجع نسمعها، لازم ندي فرصة للناس اللي بتعرف تغني وتقدم فن أنها تبقى موجودة".
اقرأ أيضا:إلهام شاهين: "مرتبطة بالسيدة العذراء ومريم أكتر سورة بحبها في القرآن"
