"موضته اتغيرت".. حمو بيكا يهاجم محمود العسيلي

هاجم مؤدي المهرجانات حمو بيكا الفنان محمود العسيلي، بعد تصريحات الأخير الذي أشار من خلاله إلى انتهاء موضة المهرجانات.

قال حمو بيكا خلال استضافته في برنامج ورقة في ملف مع الإعلامي هيثم بسّام: “يبقى هو كمان موضته اتغيرت، لو نزلت دلوقتي الشارع وقولت تعرف حمو بيكا ولا محمود العسيلي هيقول حمو بيكا، هو اتكلم عن عصام صاصا وقال فيه واحد اسمه عصام صاصا طلاما عرفته يبقى سمعته، إحنا بنحترمك واللي يحترم يُحترم”.

وتابع حمو بيكا: “مينفعش حد يجبلي سيرتك وأقول موضة قديمة هتنتهي يبقى أنا مش سامعلك أي حاجة في السوق”.

كما تحدث عن الفنان مصطفى كامل نقيب الموسيقيين، أضاف حمو بيكا: “بحبه جدًا وحد محترم وهو اللي واقف جمبنا وكان نفسنا في ده من زمان وساعدنا وكفاية لو الساعة 3 الفجر أو 5 الفجر وعندي مشكلة واتصلت بيه بيرد عليا وأقوله والاقيه باعتلي مناديب وناس نزلالي بتحللي مشكلة ومتابعنا خطوة بخطوة وربنا يخليه لينا”.

اقرأ أيضًا: طه دسوقي يعاني من حالة نفسية وغادة عادل محامية.. ملاحظات على إعلان مسلسل حالة خاصة