منى زكي: منتجون كتير رفضوا فيلم 404 بحجة أنه مش جماهيري
تحدثت الفنانة منى زكي عن فيلم رحلة 404، والذي يعرض حالياً في دور العرض السينمائية، مشيرة إلى رفض العديد من المنتجين للفيلم بسبب أنه فاشل جماهيرياً.
تصريحات منى زكي
قالت منى زكي أثناء حلولها ضيفة ببرنامج “ الحكاية ” مع الإعلامي عمرو أديب :"هاني خليفة جابلي الورق في 2011 وكل ما نقرر نعمله المنتجين كانوا بيقولوا ده مش فيلم جماهيري، ومش هيعجب الناس وكنا نتراجع عن الفكرة، فنقدم أعمال تانية ونرجع تاني ندور على منتجين".
وأضافت:"تقريبا لفينا على كل المنتجين، والرد كان إنه مش هيعجب الناس، وفي الآخر محمد حفظي هو اللي تحمس للفيلم عشان يعمله".
منى زكي تتحدث عن فيلم رحلة 404
واستكملت منى زكي حديثها قائلة:"الفيلم متصنف للكبار فقط ومكنتش متخيلة إنه هيتصنف +18 يعني قولت ممكن 16+، واتفاجئت من ده جداً، ومن أول يوم وأنا حابة الفيلم وقصته، ومش شايفة إنه فيه حاجة وحشة، بالعكس حابة الفلسفة اللي وراه، وبعد ما صورنا شوية من الفيلم بدأت أفهم إزاي الناس ممكن تطلعك على المسرح فقلقت شوية".
اقرأ أيضاً:أحمد سلامة: ورش "الكاستينج" تحولت إلى كيان موازي لنقابة المهن التمثيلية
