إلهام شاهين: مبتابعش السوشيال ميديا ويحترم تاريخ المرأة المصرية
تحدثت الفنانة إلهام شاهين عن بداية مشوارها الفني، والمحطات الهامة في مسيرتها، مؤكدة أنها لم تفكر في الاعتزال من قبل.
تصريحات إلهام شاهين
قالت إلهام شاهين خلال حلولها ضيفة ببرنامج “ الراديو بيضحك” عبر إذاعة الراديو 9090 :"انا بحترم جدا تاريخ المرأة المصرية لأنه أقوى تاريخ للمرأة في الكون، وأول امرأة تحكم في التاريخ هي الملكة حتشبسوت".
واضافت:" الكاتب يسري الجندي، جابلي مسلسل عن شجرة الدر وقالوا الأعمال التاريخية بتتكلف كتير أوي ومعرفناش نعمله، زي فيلم حتشبسوت".
إلهام شاهين تتحدث عن مشوارها الفني
واستكملت:" مش ممكن أكون راضية 100% عن كل ما قدمته، وبدايتي كانت قوية جدًا وأفلامي كانت من أهم الأفلام في السينما المصريةاللي استعملت لحد دلوقتي، وفي فترة كان بيجيلي فيها أفلام كتير أكيد كان في إخفاقات، ولكن حتى الغلط بتعلم منه، وعارفة إن إمكانياتي أكبر من ده".
فيلم موت سميرة
قالت إلهام شاهين:"رسالة فيلم موت سميرة مبحبهاش، وبزعل من نفسي جدًا لما أفتكر إني عملت الفيلم ده، والفيلم ده كان إساءة للملحن الكبير بليغ حمدي وأنا بعشقه، وأنا كنت صغيرة في السن وقت ما قدمت الفيلم، وعيب إن إحنا قدمناه، وعيب إن مصر عملته".
واختتمت:' انا مبتابعش السوشيال ميديا، ووجودي عليها مقتصر فقط على تحركاتي والمهرجانات اللي بحضرها، أنا واخدة الجانب الإيجابي وبس".
اقرأ أيضاً:نشوى مصطفى: لازم استمتع وأنا بعمل فن وخالد النبوي عنده حضور كبير
