زوجة بيومي فؤاد: "هو مدمن للعمل وانشغاله الكبير انعكس على البيت"
تحدثت زوجة الفنان بيومي فؤاد عن كثرة الأعمال الفنية التي يشارك فيها، موضحة أنها ترغب في جزء أكبر من الوقت حتى يقضيه مع عائلته وأولاده.
تصريحات زوجة بيومي فؤاد
وقالت زوجة بيومي فؤاد خلال لقائها ببرنامج" صاحبة السعادة" مع الإعلامية إسعاد يونس :" هو مدمن للعمل ودي الأزمة الكبيرة عندنا كلنا، إحنا طبعا مقدرين شغله ومجهوده وحجم حب الناس له، وانتشاره وشهرته والطلب عليه، لكن في نفس الوقت حابين يكون لنا من الحب جانب، والبيت يكون له مساحة أكتر من حياته".
وأضافت: "إرهاقه الشديد في العمل انعكس على إني متولية معظم المسئوليات في البيت، وقلقة على صحته وأتابعه بالتليفون طول الوقت، وفي الفترة الأخيرة بقى لازم ياخد باله من نفسه وصحته بأمر من الأطباء".
وتابعت: "هو دايما يقول على نفسه أنا عشوائي، وأنا عكسه منظمة جدا، وده سبب مشاكل كتير بينا من أيام خطوبتنا".
يذكر أنه عرض مؤخرًا للفنان بيومي فؤاد فيلم “الاسكندراني”.
فيلم الاسكندراني
ويعد فيلم الإسكندراني من تأليف أسامة أنور عكاشة، إخراج خالد يوسف، ويشارك في بطولته أحمد العوضي، زينة، حسين فهمي، بيومي فؤاد، صلاح عبد الله، محمود حافظ، خالد سرحان، انتصار، محمد رضوان، محمود الليثي، وعدد آخر من الفنانين ضيوف الشرف، وتصوير سامح سليم، ديكور أحمد عباس، مونتاج عمرو عاكف.
اقرأ أيضاً:عصام السقا: الشغل مع خالد يوسف شرف ليا.. والعوضي عايز الكاست كله ينجح
