محمد عطية: معنديش مشكلة ارتبط من غير ديني وعايشين عشان ننبسط

كشف الفنان محمد عطية عن علاقة الحب التي كانت تجمعه بالفنانة اللبنانية ميرا مخايل، التي كانت معه في برنامج ستار أكاديمي، وتحدث عن سبب انفصالهم وهو اختلاف الأديان.

قال محمد عطية في تصريحات إذاعية لها: "كنت بحب ميرا مخايل اللي كانت معايا في برنامج ستار أكاديمي، وقعدنا مع بعض 3 سنين ونص متصاحبين بعد ما خرجنا من برنامج ستار أكاديمي، وهي دلوقتي اتجوزت وصديقة رائعة، لكن إحنا مكملناش بسبب اختلاف الدين".

تصريحات محمد عطية

وأضاف محمد عطية: "معنديش أى مانع ارتبط ببنت مش من ديانتي، ومعنديش أزمة في الموضوع ده لإنه اعتقاد شخص إن ربنا بيزرع الحب في قلب الإنسان، والدين فكرته كلها هى تهذيب البشرية وإن الناس تكون بتحب بعض، ولو بنعمل ده هيكون ايه المطلوب تاني؟ وإحنا في حياتنا جايين عشان ننبسط وبس كل اللي حوالينا ده ديكور".