كنا بنتخانق وقررنا الانفصال.. شيرين رضا تكشف كواليس انفصالها عن عمرو دياب

رانيا زينهم أبو بكر

الجمعة 15/مارس/2024 - 10:22 م

تحدثت الفنانة شيرين رضا عن كواليس انفصالها عن الفنان عمرو دياب، وذلك بعد فترة زواج دامت 3 سنوات، مشيرة إلى أن الانفصال كان مفروغا منه لأن الحياة بينهما باتت مستحيلة.

وقالت شيرين رضا في تصريحات تليفزيونية: “الغيرة مش بتوجع غير صاحبها، أنا اتجوزت واحد مشهور لازم يكون عنده معجبين، لو غيرت عليه، مين دي وبتكلم مين أنا اللي هتعب في الآخر، وكده كده هيفضل حواليه نسوان”.

شيرين رضا: الحياة أصبحت بيني وبين عمرو دياب مستحيلة

وتابعت شيرين، قائلة: “أنا بسميهم نسوان، لأن اللي تجرى ورا راجل متجوز بالأسلوب دا تبقى نسوان، مش ست، لأن الستات محترمة”.

وعن سبب انفصالها عن عمرو دياب، قالت: “الانفصال حدث لأن الحياة أصبحت ما بينا مستحيلة وكنا بنتخانق، عشان كده قررنا الانفصال وإننا نفضل أصدقاء على إننا نكمل والمشاكل تكبر بنا، ومنقدرش نبص في وش بعض”.