لقاء الخميسي: "رفضت فيلم بسبب مشهد في السرير لو عملته عبد المنصف كان هيقعد في البيت"

كشفت الفنانة لقاء الخميسي عن علاقتها بزوجها حارس مرمى نادي الزمالك السابق ومنتخب مصر محمد عبد المنصف، إلى جانب حديثها عن رفضها لفيلم إحكي يا شهرزاد، وفيلم سكوت هنصور، بسبب المشاهد الجريئة المتواجدة فيهم.

قالت لقاء الخميسي خلال لقاءها في برنامج "أسرار" مع الإعلامية أميرة بدر: “ممكن أكون أثرت على جوزي محمد عبد المنصف في حاجة ولكن مش المسيرة، ولكن وقت ما اتجوزني الجماهير هاجمته أنه ليه ممثلة زمان كانت وقتها فضيحة أنه يتجوز ممثلة، وأنا زوجي مأثرش فيا زي ما أنا أثرت فيه، ولادي اللي أثروا فيا جامد”.

تفاصيل رفض لقاء الخميسي لفيلم إحكي يا شهرزاد

وعن تفاصيل رفضها لفيلم إحكي يا شهرزاد، قالت لقاء الخميسي: “اللي جوزي رفضه أنا كمان كنت هرفضه، وأنا مش واخدة على المشاهد المنفتحة الزيادة، وفيلم إحكي يا شهرزاد اتعرض عليا دور المحامية اللي كانت قصاد أستاذ محمود حميدة، وكان في مشهد على السرير واللي رشحني أستاذ وحيد حامد الله يرحمه، وقابلته وقولتله مش هقدر أعمله، قالي أنتي بتهزري أنتي بترفضي فيلم لـ وحيد حامد وأنا شايفك نجمة؟ قولتله لأ أنا مش برفض فيلم لو حضرتك شيلت المشهد ده همثل، قالي مش أنتي اللي هتقولي لي أشيل إيه ومشيليش إيه”.

وأضافت لقاء الخميسي: “لو كنت قلبت الفيلم ده كان هيحصل لجوزي مشاكل وكان محمد عبد المنصف هيقعد في البيت، خاصة إن جمهور الزمالك كان بيشتم أنه اتجوز ممثلة، في أعمال مهمة جدًا رفضتها وقعدت أعيط أسبوع في البيت بسبب مشاهد، ورفضت فيلم سكوت هنصور مع يوسف شاهين وكنت هموت، رفضت الفيلم بسبب مشهد بوسة، وروبي هي اللي عملت الدور”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة