ليلى عبد اللطيف: "حاولت أقابل الشيخ الشعراوي وهذه معجزة شفائي"

تحدثت عالمة الفلك ليلى عبد اللطيف، عن سبب رغبتها في مقابلة الشيخ الشعراوي، إلى جانب الكشف عن تفاصيل معجزة شفائها.

قالت ليلى عبد اللطيف في لقاءها مع الإعلامية بسمة وهبة: “سعيت لمقابلة الشيخ الشعراوي لإني تعبت وعايزة أعرف أنا عندي إيه بالظبط، ومعرفتش أقابله، أنا ليا سر عند رب العالمين، ومش عايزة ألجأ لشيخ”.

ليلى عبد اللطيف تكشف عن معجزة شفاءها

وعن معجزة شفائها، قالت ليلى عبد اللطيف: “الدكتور قال لوالدتي إني هموت وكان وزني 37 كيلو، وشوفت واحد داخل الأوضة وأنا بين الحياة والموت، وكان معاه قطنة فيها ماية ووضعها على فمي، وكنت بحاول أنادي على أختي صوتي مكنش بيطلع، وبعد ساعتين راحت الحرارة وكل حاجة وخفيت، والدكتور قال دي معجزة عند ربنا”.

أما المشهد الذي لن تنساه في حياتها، تابعت قائلة: “وأنا عندي 11 سنة لما كنت في دار الأيتام، كان في قفص في المطبخ ونزلت في الليل وجبت برتقالة علشان أكلها إيدي اتخربشت ولاقيت الناظرة خدت البرتقالة من إيدي وطلعتني وأنا ببكي، وسمعت حد بيعيط وبينادي عليا، ولاقيت برتقالتين على السلم”.

ليلى عبد اللطيف: اتظلمت كتير وأنا صغيرة

وأضافت ليلى عبد اللطيف: “أى شيء بتمناه من وأنا طفلة بيحصلي، وأى حد بيأذيني أو بيأذي أمي أو حد من إخواتي، بحس إن حصل له حاجة، أنا بقول بس حسبي الله ونعم الوكيل ومبدعيش على حد، وأنا اتظلمت كتير وأنا طفلة، وأمي حطتني أنا وإخواتي البنات 2 في ملجأ علشان لما بابا مات كان عندها 23 سنة، وجدي جوزها وخلفت 3 صبيات”.

واختتمت ليلى عبد اللطيف تصريحاتها قائلة: “العذاب اللي شوفته في الملجأ ماحدش شافه، وكنت بتبسط لما حد يجي يتبناني في رمضان ويعشيني برا، لو كتبت قصة حياتي هأذي ولادي من اللي شوفته”.

اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة