أحمد فهمي يكشف تفاصيل عن حياته الشخصية في حبر سري
أعلن الفنان أحمد فهمي لأول مرة عن إصابته بمرض في القلب، مشيرا إلى أنه اكتشف الإصابة بشكل مفاجئ في عام 2016، بعد أن أجرى فحوصات وأشعة طبية لدكتور التخسيس.
مرض أحمد فهمي
وتحدث "فهمي" في حواره مع الإعلامية أسما إبراهيم، ببرنامج حبر سري، على قناة القاهرة والناس، قائلاً أنه كان حريصاً ومحافظا على وزنه المثالي دون زيادة، ولكنه فوجئ بزيادة في وزنه عام2016، فاضطر للذهاب لطبيب التغذية والتخسيس، وهناك تبين له إصابته بمرض في القلب، بعدما طلب منه الطبيب بعض الإشعة والفحوصات الطبية.
إجراء أحمد فهمي عملية جراحية بالقلب
وتابع أحمد فهمي: "طلع عندي حاجة في القلب وده كان أمر مستغرب بالنسبة لي وطبيب التخسيس سألني أنت مبتنهجش فقلت له خالص أنا بلعب إسكواش وكرة وبروح الجيم، وبعد كده جاء دكتور تاني من إنجلترا وعملت فحوصات وتبين إن عندي مشكلة في الصمام الميترالي، الصمام ده المسئول عن ضخ الدم من القلب للجسم والصمام ده بيفتح لبرة وبيقفل تاني علشان الدم ميرجعش للقلب التاني فأنا من العصبية حصل لي ارتجاع بسيط في القلب فأتخضيت على نفسي وعملت عملية".
أخوات أحمد فهمي
ولفت فهمي: "لما أبويا توفى كان من حقي اتدخل في حياة أخواتي البنات، وبقيت تقريبا أبوهم فالتدخل إني لازم أبقى موجود وضهر وداعم ليهم، عندي 5 أخوات بنات وبقيت أبوهم بعد وفاة الأب".
حياة أحمد فهمي
واضاف: "عمري ما كنت متدلع أبويا فرض على طريقة في التعامل وأنا صغير علشان أطلع راجل، ومن وأنا عندي 8 سنين ابتديت اشتغل برة المزيكا، وكنت بحاول أوفر فلوس لأبويا".
اقرأ أيضًا: بطولة طفلة وطابع أوروبي.. معلومات عن فيلم The Goat قبل عرضه في مهرجان الجونة
