ليلى أحمد زاهر: "رسالة أعلى نسبة مشاهدة إن اللي يغلط لازم يتعاقب"

كشفت الفنانة الشابة ليلى أحمد زاهر عن رسالة مسلسل "أعلى نسبة مشاهدة" الذي تم عرضه في النصف الأول من موسم رمضان الحالي 2024 وحقق نجاح كبير.

قالت ليلى أحمد زاهر خلال لقاءها في برنامج “تفاعلكم” عن رأيها في تطبيق TikTok: "في حاجات على تيك توك محتاجة رقابة في حاجات بتتعمل مش صح، مش رسالتنا إن لو حد عمل زي شيماء المفروض يخرج من السجن، اللي غلط معروف إن هو يتعاقب، بدليل إن النهاية شيماء اتحبست، مخليناش القاضي يتعاطف معاها وقلنالها يلا اخرجي".

ليلى أحمد زاهر في مسلسل أعلى نسبة مشاهدة

وتابعت ليلى أحمد زاهر: "في حاجات مش كويسة وناس غصب عنها زى نسمة وشيماء معندهمش حد يهتم بيهم ويقولهم كلام حلو، الأم دايمًا بتضايق شيماء وبتعلق على الحاجات السلبية، لو أهلنا ادونا اهتمام، مش هندور عليه برا، الناس اللي على التيك توك مش لاقية حد مهتم بيها أو يعبرها ولا أى حاجة فبتخش تكلم ناس متعرفهاش وبتعمل حاجات غريبة وأنا ضد دة فلازم يبقى في رقابة على الحاجات دي".

مسلسل “أعلى نسبة مشاهدة” بطولة الفنانة ليلى أحمد زاهر، سلمى أبو ضيف، فرح يوسف، انتصار، إنعام سالوسة، محمد محمود، إسلام إبراهيم، يوسف عمر، محمد فهيم، إلهام صفي الدين، هند عبد الحليم ومحمد علاء، ومن تأليف سمر طاهر، وإخراج ياسمين أحمد كامل.

اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"