بيومي فؤاد عن أزمة محمد سلام: "اتسرعت ومستني حقي يجيلي"

كشفت الفنان بيومي فؤاد عن سبب عدم وجوده في موسم رمضان الحالي 2024 إلا بمسلسل الكبير 8 فقط، إلى جانب الحديث عن أزمته مع المخرجة كاملة أبو ذكري.

قال الفنان بيومي فؤاد خلال لقاءه في برنامج “حبر سري” مع الإعلامية أسما إبراهيم: “أنا اترشحت في 6 أعمال في رمضان ومش هقول هما ايه عشان هتبقى قلة أدب، وبقيت أخاف أزعل حد وبقيت حريص، وفي ناس زعلانه وأنا مكنتش عايز أكون موجود في رمضان كتير عشان مزعلش حد ومضيت مسلسل الكبير حصري وأنا تحت أمر مسلسل الكبير لأنه صاحب الفضل عليا”.

رد بيومي فؤاد على هجوم كاملة أبو ذكري عليه

أما عن تصريحات كاملة أبو ذكري عنه، تابع بيومي فؤاد: “معاتبتش كاملة أبو ذكري لإن ده رأيها وهى قررت إنها مش هتشتغل معايا، أكلمها لما تقولي ايه اللي أنت عملته ده يابيومي؟ وحقي عند ربنا”.

واختتم بيومي فؤاد حديثه قائلًا: “الشيخ الشعراوي قال لما حد يظلمك متاخدش حقك بإيدك أقف استمتع وهو ربنا بياخدلك حقك بإيدك وأنا مستني حقي، ومحبش أشوف اللي ظلمني بيتظلم قدام عينيا أنا غلطت واتسرعت في الفيديو اللي أنا عملته بس أنا راجل”.

اقرأ أيضًا: بسمة بوسيل: "مبقدرش أغفر الخيانة وهرفض إن بنتي ترتبط بشخص مشهور"