ريم البارودي عن ريهام سعيد: جت تطبطب عليا عشان التصوير لأن عزاء بابا تريند

استضافت الإعلامية بسمة وهبة النجمة ريم البارودي في حلقة اليوم من برنامج العرافة، المذاع عبر قناتي النهار والمحور، لتكشف لأول مرة عن  تفاصيل خلافها مع ريهام سعيد.

تصريحات ريم البارودي

وكشفت ريم البارودي عن اللقاء الذي جمعها بريهام سعيد، في عزاء والدها وقالت:" جت تطبطب عليا عشان التصوير لأن عزاء بابا تريند، وايه اللى حصل في الكواليس؟!»

وتابعت البارودي: "هي بعتتلى رسالة وقالتلى فيها أنا عايزة أجي أعزي لكن خايفة تقولي عليا باخد اللقطة، وأنا واقفة في عزاء والدي لو شوفت حد فيه بيني وبينه مشكلة أكيد هنسى".

وعن خلافهما بعد ظهورها في برنامج ريهام سعيد، قالت:" في الأول بعد ما اتصورنا لاقيتها نزلت الصور، كلمتها قولتلها طيب نعمل ايديت للصور قالت معلش أنا فرحانة قولتلها تمام..ورجعت بعتتلى البرومو لاقيت الإضاءة باهتة عليا والكاميرا قريبة، والبرومو عبارة عن الجزء اللى بتكلم فيه عن والدي بس". 

وسألتها الإعلامية بسمة وهبة إذا كان هناك مشكلة في ذكر والدها في الحوار، فقالت ريم:" أنا مش بتاجر بموت أبويا بعد وفاته بـ 60 يوم". 

آخر أعمال ريم البارودي

جدير بالذكر أن آخر أعمال ريم البارودي، كان حكاية بنات السباعي في مسلسل حدث بالفعل، وتعد الحكاية البطولة الأولى لريم البارودي ومكونة من 5 حلقات ويشاركها البطولة: أحمد جمال سعيد، هناء الشوربجي، محمود حجازي، محمد التاجي، وغيرهم من الفنانين، من تأليف محمد إبراهيم عوض وإخراج تامر حمزة.

اقرأ أيضًا: تحقيق نديم وصية والدته.. نهايات سعيدة لأبطال مسلسل حالة خاصة